Aɣrum i wezzan kfan
Ixf-is alamma s ɣur-k
Tagi d ddula n yilfan
Niqal agelzim yid-k
Uḥeq kra iduban ihan
D ifwaden yerɣan
Ar d ak-t-id-yer d ayla inek.
Irgazen s duṛu ay nzan
Ansi d abrid, s wayes ?
Tagi d ddula n yilfan
Taqabact tgellu yes-s !
Aḥeq kra yeffuden aman
D ifawden yibbwan
Ur k-terri tmara ɣur-s.
Ma nniɣ-ak fell-ak ddessen
Yerna d aga dur nuklal
Mkul lxir yezwar ɣur-sen
Kessen deg-neɣ am uctal
D idamen-inek i tessen
Anwa ara sen-yeksen ?
Melmi ara d-terreḍ azal ?
Melmi ara d-terreḍ azal
Asmi zdin igellilen.
Wa ɣer wa mi nemyettkal
Abrid-is d ayen i isehlen
D ilulufen gan acḥal
Mi(d) i ṛeznen awal
Amcum a d-yas imiren.
A nettazal
Am zal am yiḍ
Am yiḍ am zal
Yerna mazal
Muḥya