Yetturaju ad tilli tulya n 4 n tesnawiyin d 4 n yiɣerbazen ilemmasen deg unekcum aɣurbiz 2013/2014 ara d-yillin deg waggur n cutember I d-iteddun. Tiɣiwanin i teɛna temsalt d Suq Letnin, Tizi Raced, At Aysa Mimum d At Dwala anida ara lint 4 n tesnawiyin. Ma di teɣiwanin n Rǧawena, Tamasit (deg teɣiwant n Azeffun), Asi Yusef d Ibṭrunen 4 n iɣerbazen ilemmasen ara yeldin tiwwura nsen. Mbla xek,Iɣerbazen-a imaynuten ad sifsusen taɛkumt ɣef wid yellan yakan, imi aseggas yezrin llant tzeɣwa n leqraya anida leḥsab n yinelmaden iɛedda 40, ladɣa deg tɣiwanin n Draɛ Lemizan d Iwaḍiyen. Ad nar tamawt belli aseggas yezrin yella-d ujared n 21 562 n yinelmaden deg useggas amenzzu deg tsenawiyin, s zyadda n 7000 inelmaden ɣef useggas n 2011.
Dalila I.