I tmeṭṭut i yeṭṭfen aṭufan isenned ɣer tebbuct-is tenna : Mmeslay-aneɣ-d ɣef warrac.
Ihi yenna-d : Arraw-im ur llin ara d arraw-im
Ayen d tarwa n tiɣṛi n tudert i tudert
Usan-d seg-m lamaɛna mačči sɣur-m
Daɣen ɣas ma llan yid-m ur llin ara inem.
Tzemmreḍ ad asen-tefkeḍ tayri-m, maca mačči tidmiwin-m acku sɛan tidmiwin i yiman-nsen. Tzemmreḍ ad tesduriḍ tifekkiwin-nsen , maca mačči iẓiɣren-nsen (âmes).
Acku iẓiɣren-nsen zeddɣen deg uxxam n uzekka, i ur tezmireḍ ad t-tẓureḍ ulama deg tirga-m. Tzemmreḍ ad tεeṛdeḍ ad tiliḍ d nutni, maca ur tḥebbiṛ ara ad ten-id-terreḍ deg tugna-m.
Acku tudert ur tleḥḥu ara i deffir, ur tetteḥbas d yidelli. Kem d amejbad seg i d-ffgen warrac-im am tneccabin (flèches) yeddren. Ajebbad yettqisi iswi deg ubrid n yifeḍ (infini), yettak-am-d tazmert-is iwakken tineccabin-im ad ẓrent ṭiṭelqi (vite) yerna i lbεid.
Tussda-nni (tension) i tettakk-d s ufus n ujebbad tettneyyic tumert (joie).
Acku am akken i iḥemmel taneccabt yettferfiren, i iḥemmel daɣen amejbad i yufraren.
Yerra-t-id ɣeṛ tezwawt : Mhenni Xalifi