Aγerbaz alemmas Moḥemmadi Arezqi n tγiwant n Wizgan, iwumi qqaren zik aγerbaz m n Saḥel, yeddar yiwet n tegnitt n uɣilif , ass n 25 ctember 2013 lawan n yimekli. Akken kan iɛedda imekli, Inelmaden yebdaten weqraḥ di tɛebbuṭ. Dγa ,iγallen n uselek n tγiwant n Wizgan gren-d iman-nsen γef zik lḥal, s uṣiweḍ n wazal n 36 seg yinelmaden γer wexxam n tujya i d-yezgan di lewḍa, tamnaḍt n Wizgan. Syin yella-d udawi-nsen akken iwulem lḥal, imi ulac wid yeḍruran aṭas. Si tama niḍen, imawlan, tebεen arraw-nsen γer wexxam n tujya, anda iten-yerkeb lḥir s waṭas γef tezmart n warraw-nsen. Liḥala-aya, sḥasfen-as aṭas, ama d imawlan n yinelmaden ama d imdanen niḍen, anda tiduukla n yimawlan n yinelmaden uγarbaz alemas Muḥemmadi Arezqi n tγiwant n Wizgan, sutren aḥeqqeq s telqey γef sebba n lehlak-agi(intoxication), akken i sutren daγen aḥader γef tezdeg i uḥareb γef tezmert n yinelmaden s umata.
I.B