Karim Bacha d aselway nTesbeddit (Fondation) Mustapha Bacha i d-yettwaxelqen ass-nni n 5 deg tuber 2013 deg Tizi Uzzu. Nesteqsa-t γef yiswi n usenfar-agi, yerra-aγ-d s lferḥ d ameqqran, xas ulamma yettban usḥissef γef wudem-is.
Ame k i d-tusa tikti-agi ?
Karim Bacha : tikti-a, tella d taqdimt. Tella seg yiseggsen-nni imenza. 19 n yiseggsen-agi. Meεna, nettrağu u nenna-as, ahat, ad d-tekk seg tama-nniḍen. Ihi, nwala imi ur d-yelli wacemma, tebges-d twacult-is γer usenfar-a. Asenfar ara iṛessin isem-is i lebda.
Amek i d-yella uheggi i temlilit n tlallit n tiddukla-a ?
K.B : nemcawar gar twacult n Bacha iwakken ad nenced yal win yesdukkel umecwar d Mustapha akken ad d-yawi awal fell-as u ad yeḥder i tlallit n tiddukla-a. Neqsed-iten yiwen, yiwen.
Iwacuγer ass 5 deg tuber, yerna deg uxxam n yidles Mulud Mεemmri ?
K.B : 5 deg tuber, yesmektay-d tidyanin n 5 deg tuber 1988. D amennuγ n Mustapha Bacha d wid i t-yecban i yessawḍen γer uṭerḍeq-agi n yimdanen. D ayen i d-yewwin tilelli n umeslay d tlallit n yikabaren n tsertit, meḥsub tugdut s umata. Ma γef umkkan n temlilit, axxam n yidles Mulud Mεemmri, ilaq ad neḥṣu belli di tzeqqa-nni u d netta i d-yeγran ulγu-nni anda i d-slalen s wudem unṣib akabar n RCD.
Imi twalam u teslam i wacḥal n yimeddukal-is ass-a, d acu-ten yiḥulfan nwen ?
K.B : iḥulfan nne&gamma,; ass-a, am nekk am twacult-iw, am wakken mazal argaz-agi nneγ yedder. Am wakken yella gar-aneγ akken i d-yenna baba. Mazal γer yimeddukal-is leḥrara-nni ; ur tḥus ara s 19 n yiseggasen-a.
Llan kra n yimeddukal-is neγ wid ukked i d-yewwi amecwar, ulac-iten deg temlilit-a, acuγer ?
K.B : xas ulamma ur yeshil ara ad d-tessemlileḍ akk γer yiwen umekkan imeddukal n Mustapha Bacha, leεraḍa nexdem-itt akk i medden. Llan wid i d-yusan, llan wid i d-yennan nettwaṭṭef meεna aql-aγ yid-wen ula llan wid ur d-nusi ara, wid-ak d cγel nsen.
Llukan ad d-yuγal akka tura Mustapcha Bacha, d acu ur iqebbel ara ?
K.B : newwi-d yakan awal γef wanect-a akked kra n terbaεt, ihi, banent-d snat n tmuγliwin : llan wid i d-yennan dakken iḥemmel-it Rebbi imi i t-yewwi iwakken ur iḥedder ara i wanect-a, i kra n temsal. Wid-nniḍen nnan-d dakken lukan i t-mazal ur iqebbel ara ad d-ḍrunt kra n temsal.
Awal aneggaru a Karim.
K.B : aql-aγ ad d-nettheggi yiwen usenfar d ameqqran, yezmer ad yili d iswi agejdan n tiddukla-agi nne&gamma,; wagi d aseḥbiber γef wayen iga d wayen yenna Mustapha. Ihi, ad d-greγ tiγri i wid akk yesεan kra i t-yeεnan ad d-ssiwḍen asali i twacult-is.
Tanemmirt nwen, tanemmirt i Uγmis n Yimaziγen.
Hocine.M