Malala Yousafzaï, yuɣalen d azamul n tlelli deg umaḍal, d yiwet n tcawrart (adolescente) n 16 iseggasen, id d-ikren di tmurt n Pakistan akken ad d-ini ala i wid izarrben abrid yettawin ɣer tafat, wid izerrɛen timḍellas, lkerh, lak d tkerkas (lekdub). Taqcict-agi ur teqbil ara ad tuɣal ddaw uzaglu n les talibans. Winna iɛeggben aṭas n tlawin n tmurt-is. « Iɛdawen-agi n tmusni », yesɛa-n ahil ẓẓayen,segrarben acḥal n iɣerbazen (les écoles). Malala teḍfer asalu i yenǧer baba-s yella-n d anemhal (directeur) n uɣerbaz. Aneggaru-agi yexdmen ayen mu yessaweḍ akken ad iqenneɛ tiwaculin ad ceyɛen -t tarwa-nsent ad telmed. Urɛad yers yizen ɣer lmaɛun, yell-is terfed-it. Malala, yella-n d tanelmadt deg uɣerbaz id d-yezgan di temdint n Swat, yettrebbin asirem ad tuɣal, yiwen was, d tamejjayt (taṭbibett), ur ttyeɛǧib ara rray n les talibans yettagin llaku i warrac ladɣa i teqcicin. Syagi i yebda umennuɣ-is. Teṭṭef di rray-is d akken ur tettarra ara aḍar zdat n wid yebɣan ad s-erren agerruj d iɣed. Deg 2009, deg mi d-yerza uneɣmas (journaliste) n BBC ɣursen, tebda tettaru deg l’internet lbaṭel sɛeddayen fell-asen les talibans. “Ass-agi tseww-iyi yemma llakruṭ, ruḥɣ ɣer uɣerbaz. Ugadeɣ aṭas, acku les talibans nnan-d d akken ad agin i teḥdayin ad ruḥen-t ɣer llakul», i tura. S tira d wawal, tuɣal ar almi teldi tiwwura n uɣerbaz anda teqqar, yellan yettwamedlen. Deg 2001, tewwi-d deg ifassen n uneɣlaf amenzu n tmurt-is (premier minister)araz-is amezwaru n tlelli yewwi-n isem-is. Di 9 tuber 2012, mi d-ezzi di lbus n lakul, yiwet n tarbaɛt n yergazen, yellan dlen udemawen-nsen, dehmen-d tawwurt, seqsan qbel anta i d Malala, imir smaren rrṣaṣ ɣef uqerruy-is. Mi tɛedda smana, tuki-d u tufa-d iman-is deg ṣbiṭar n Birmingham di l’Angleterre. Malala, iselken i lmut “s lqedra n Ṛebbi», tejbed-ed tamuɣli n leǧnas. Deg yiwen useggas, tewwi araz n “Simone de Beauvoire” ɣef tlelli n tlawin lak d waraz « Anna Politkovskaïa” ttaken i tlawin yettḥaraben ɣef yemdanen yellan deg umennuɣ, Malala tella daɣen ger wid d-ittwafernen akken ad awin araz n Nobel n talwit. Di 12 yulyu yezrin, mi tessaweḍ 16 iseggasen, Malala yettwaɛerḍen akken ad d-emmeslay deg useqqamu n wegraw n leǧnas yedduklen (l’ONU), i lmend n umuli-ines tenna-d:” Les talibans ttagaden imruyen d yedlisen…ad greɣ tiɣri i yemḍebren akken seyfen ɣef imawlan aseɣri n tarwa-nsen…aselmad, adlis, imru, zemren ad bnun dunnit”. Asirem n teqcict-agi tuzen-it-id deg wedlis tura s snat n tutlayin: tagnizit d trumit.
Zenia Thiziri