D acu-tt ? D acu-tt ?
Tura ad awen-d-iniɣ
D acu-tt ? D acu-tt ?
Wissen ma ad-awen-diniɣ
A tjeǧǧigt i d-yegman
Tasebḥit mi tefrari
Iṭij isserɣ igenwan
Teṭṭafar-itt s tmuɣli
Tameddit qquren iẓuran
Kkawen wafriwen-is teɣli
D acu-tt ? D acu-tt ?
Tura ad awen-d-iniɣ
D acu-tt ? D acu-tt ?
Wissen ma ad-awen-diniɣ
Amzun d ajajiḥ n tmes
Tin yuɣen deg qeclawen
La tettlejlij, teḥlales
Icreḥ win i tt-issaɣen
Tallit i d tudert-ines
Ay d-tettaǧǧa d iɣiɣden
D acu-tt ? D acu-tt ?
Tura ad awen-d-iniɣ
D acu-tt ? D acu-tt ?
Wissen ma ad-awen-diniɣ
Am win yeṭṭsen yurga
La yettferfir deg igenni
Imdanen mi ten-iwala
Win muqqren ɣur-s d izi
A yes teger-d tnafa
Ziɣ yid-sen ay gettiki
D acu-tt ? D acu-tt ?
Tura ad awen-d-iniɣ
D acu-tt ? D acu-tt ?
Wissen ma ad-awen-diniɣ
Yerna nekka-d akk syin
Ɣas ulamma yiwen wass
Am yergazen am tilawin
Anwa ur nettru fell-as ?
Ukin-d fuden ur swin
A wi tt-iḥudden ar lsas
D acu-tt ? D acu-tt ?
Tura ad awen-d-iniɣ
D acu-tt ? D acu-tt ?
D temẓi-inu i d-mmektiɣ