Nunambeṛ yerra-d axbir
Inrez abrid d amellal
Medden ɣilen d tmesxir
Ma d irgazen ṛeznen awal
Aqlaɣ la t-id-nettfekkir
Ar tura la d-yesawal
Ar tura la d-yesawal
Mebɛid la d-iggar tɣri
Ad as-tiniḍ yebɣa ad d-yuɣal
Nukni dayen i nettmeni
Ma yeqqim-d kra n wawal
Ar assa mazal tefri
Ar assa mazal tefri
Anda i ɣ-yeǧǧa i ɣ-mazal
Yiwen yuɣ ula d Ṛebbi
Wiyaḍ yerra-ten d lmal
Wigi ugaren arumi
Ur yid-sen a(d) nemyeɛqal
Ur yid-sen a(d) nemyeɛqal
Ur yid-sen ṣṣlat nnbi
Ssnen kan tinnna n wuzal
Tinna n wuzal ad tezzi
Yerna ad mecḥen akal
S wass-is ak d kunwi