Taγiwant n At-Yaḥya Mussa, s lemεawna n tiddukla tadelsant Tarwa n Krim Belqasem akk d Tudsa Taγelnawt n yemjjuhad, sudsen-d yiwen n wass usmekti n umuli wis 43 γef tmettant n yizem idurar, Krim Belkacem, anda i s-tuγal tejmilt s wazal-is.
Tawacult-is, tawacult tagrawliwt akk d yemddukal-is, rzan ass n 18 tuber yezrin deg aggur ideg nella, i yellan d amuli wiss 43 γef ass mi yettwanγa, ass n 18 tuber 1970 di tmurt n Lalman, γer uẓẓeka-s i yellan di tmeqbert n Lεalya di Lzzayer tamanaγt, anda i ssersen tameqqint n yijeğğigen γef uẓẓeka-s, syen beden dqiqa n tsusmi d astarḥen γef tarwiḥt-is, ayagi yella-d s leḥdur n tarwa n Krim Belqasem, ggma-s Arezqi, akk d kra n yemddukal-is yukkan di lewfaq n Evian. Ahil n leqdic id-sudes tdukla tadelsant Tarwa n Krim Belqasem, d amarkanti, id-yesduri wexxam n Lkulunel Krim Belqasem id-yezgan deg taddert n iεallalen di tγiwant n At-Yaḥya Mussa, anda axxam-agi yuγal d asalay aγelnaw i yewwin isem n Krim Belqasem, anda tella temzikent n ttṣawar d yedlisen, γef tudert d umennuγ n yizem idurar. Krim, ilul ass n 14 dujember 1922, di taddart n Tizra Σissa, deg At Yaḥya Musa, di temnaḍt n Draε El Mizan. Yekker-d ger yiwet n twacult i yeqaden iman-is aṭas. Yelmed deg uγarbaz amezwaru di temdint n Lzzayer (1936), almi i d-yewwi Yezzi-d useggas, yewweḍ-d ad yesεeddi akayad akken ad ikemmel ulmud-is, maca tagara ur yesεedi-ara, γef aya Krim ur yelmid-ara deg uγerbaz afellay (Ecole superieure). Syen , yuγal unemhal n uγerbaz nni mass Herbelin, yeγtes at-id-yesuffe&gamma,; γef aya, Krim yuγal-d γer taddart-is s war asenfar n taggara (Sans projet d’avenir). Deg seggas1940, Krim iruḥ ad yexdem d amaray di tγiwant tamassayt n Draε El Mizan, deg seggas nni kan yeγtes ad yezweğ, Krim yefren yiwet n teqcict takat-is d tamesbaγurt (riche) si temnaḍtn Lemεetqa (Tizi-Wezzu). Deg ussan imezwura n tefsut 1941, γlin-d yegna ger-as d unedbal, krim yeğğa Draε El Mizan, yuγal γer taddart-is deg seggas n 1942. Syen Krim Belqasem, yebda asennefrey (Sensibiliser) ilmeẓyen n taddart-is deg umenzu n yulyu 1943. Ass n 4 maggu 1943 yekčem γer lεesker di temnaḍt n Leγwaṭ. Dγa, yezzi-d useggas kkan cegεen-id γer temnaḍt n Blida deg seggas n 1944. Ass n 26 unbir 1944, iεellaq (Caporal), yezzi-d useggas, amenzu n yulyu1945, beddlen-t rran-t γer tγiwant n inemhalen Izzayriyen(RTA; Régiment des Travailleurs Algériens). Ass n 04 tuber εellqen-as (Caporal Chef), ssin n yiseggasen d wezgen γer zdat yelḥaq izirigen n Ukabar Aγerfan n Lzzayer (PPA). Meγres 1948, Krim ittwaṭṭef ssin n yiseggasen γer useckret (lḥebs) n Tizi-Wezzu. Ass n 03 yulyu 1954, tella-d temlilit ger sdis (06) n yiγellaten imazrayen (chefs historiques), syen Krim yuγal yeṭṭef tamurt n Leqbayel ; yuγal seg wid i d-yekkren ilmend n tegrewla n unbir 1954, ladγa yella yid-sen Σebban Remḍan d kra n waggagen (Intellectuels) nejmaεen di Lzzayer tamanaγt. Di temlilit n Summam, yedda d Uεemran, farnen amḍiq i deg tella teγllist (Sécurité). Annect-a yella-d sγur krad (03) n yergazen ; Krim, Σebban d Ben Mhidi, di tagara yella-d usebded ger tejmaεt n wesdukel d uselkem(CCE) d wesqamu aγelnaw n tegrewla Tazzayrit (CNRA). Di 1957 yeğğa Lzzayer yuγal yunnag γer tmurt n Tunes, iffeγ netta d Ben Ṭubbal, Ben Xedda, Σebban Remḍan d Deḥleb. 19 ctember 1958, di tmurt n Ccam, Ferḥat Σebbas igger-d tiγri i wakken a d-yesbed akabar iwumi semman; Anabaḍ Amazguz n Tegduda Tazzayrit (GPRA) a d-yilli γef yidis n tejmaεt n wesdukel d uselkem (CCE) di tmurt n Tunes, syen Aselway n tegduda n Tunes Mass Burggiba ifka-d unuγ (Liste) unṣib i wegdud n imasladen (Membre) n Unabaḍ Amaguz n Tegduda Tazzayrit (GPRA), dγa Krim rran-t d aneγlaf n yiγallen n ignan (Ministre des forces armées) maca, Krim yebγa taselwit (présidence) acku d netta i yellan d aγellat amazray (Chef Historique), siwa netta i yekkaten γef tlelli n tmurt maca Buṣuf d Ben Ṭubal rran a d-kksen aneγlaf n yiγallen n yignan, fkkan amḍiq-is i Bumedyen. Krim bγan a t-rren d aneγlaf n lecγal n berra deg wemḍiq n umejjay Lamin Debaγin, yerna di tmurt n Ccam aseggas n 1960. Di tagara n 1961 yeğğa Ccam yuγal yunnag γer tmurt n Russ d Ccinwa. Ass n 11 furar 1962 γef tsaεet n lwaḥda d wezgen n uzal (13h 30), tella-d temlilit ger uγella n tegrewla tazzayrit (Délégation Algérienne) akk d Luwis jux, dinna i bdan imastagen (Négociation) . Ass n 07 maggu 1962 γef 11h 15, Krim izmel, yekcem di « EVIAN ». Tameddit n wass n 17 maγres 1962 tella-d yiwet n temlilit deg wexxam ameqran n tegrewla Tazzayrit. 18 maγres 1962, Krim izmel yiwen n umazrar n 39 n yisebtar. Krim yemmut deg usensu n Frankfurt di tmurt n Lalman ittwaxnaq seg iri!!!?
Islam Bessaci