Am yal aseggas lweqt-agi n lexrif, ttheggin deg Lezzayer “ṛeḥba tagraɣlant n wedlis», yettwasnen s yisem SILA. Aseggas-a d tazrigt-is tis 18, ad tili si 31 tuber ar 09 number 2013 deg umṛaḥ n temzikniyin umi qqaren : « Palais des expositions SAFEX des pins maritimes ». Aqerru n tezrigt n useggas-agi d mass Ḥamidu MESSAWDI. Ad seknen aseggas-a 900 n inefsar si 4 n imenẓaw. Deg-sen idlisen ama d amezruy, tamerrit, timucuha, tasekla neɣ d ayen nniḍen. Ad telli temzikent agi si 10 n ṣbeḥ ar 8 n tmeddit. Daɣen tikelt-agi ad tili temlilit tagraɣlant, ad seksin deg-yes asentel n “taẓuṛi d tsekla” di Tefriqt. Ger wid ara yettekkin ad yili Useqqamu Unnig n Timmuzɣa. Ad d-yeglu 09 n yedlisen imaynuten ɣef wid n yiseggasen yezrin. Gar-asen ad d-naf « Imsebriden n leryaf » n Kamal Si Muḥemmed, « Tiɣri yeɣrin » n ABDELMALEK , « Lexique didactique » n Muḥend Meḥrazi d « Isefra n Lḥaǧ Said n Tezrut » n Arezqi Grayin. Ad d- nesmekti belli imyura-agi ad ilin di tfaska agi n SILA i wakken ad rren ɣef yesteqsiyen n ineɣmasen d inerzaf ad yerzun seg waṭas n temnaḍin n ddunit. SILA d tafaska i deg yal yiwet neɣ yiwen yeffuden tamusni izmer ad yaf ayen ira seg yidles s umata. Tazrigt-agi d tin i deg imsudesn ttṛaǧun aṭas n imerza, yerna ad yili deg-s uḥric yufraren i wedlis n uɣerbaz.
Yamun karima