Buḥu: Atan wwḍen-d d acu ara yeḍrun?
Beẓẓa: ad t-ṭṭerḍeq ad ilal ulamek, Aya ziɣ ulac akk deg-k, ma ilul-d ulamek a nniya, dɣa ad teḥbes din ,win i d yukin ad yuɣal ɣar yiḍes, tamuɣli ad tiḍyiq, tamussni ad t-idyiq, ulamek ad iger ifurkan, deg wamek ad nuɣal ɣar deffir.
Beẓẓa: Awwah ɣar deffir ur neqbil ara ad nuɣal
Buḥu: Ihi ad naz ɣar zdat Ulamek ad nuɣal ɣar deffir Ulamek Ad nbed di tlemmast ur nettwexxir ur nettaẓ
Beẓẓa: Win ur nettaẓ ɣar zdat, ɣar deffir i yettuɣal…a yettwexxir.
Buḥu: Yal yiwen ad tner ɣar wemdiq-is
Beẓẓa: Akka i yaɣ-d qqaren, yal abrid ara ad aɣ-nehren
Buḥu: Atan diγ wa yebɣa ad aɣ-yessufeɣ leɛqel, ad neffeɣ aglim-nneɣ.
Beẓẓa: Win yeffɣen yeffeɣ, ad yebdu asefreɣ, am wegris ad yessaɣ, amzun zeddig ur yexdim kra. Ur yečči, Ur yesswi, Ur yeṛwi, ulac amdan am netta.
Buḥu: D lekteb ihi, amzun yella win i t-yecban amzun tifeṭ, teṣṣawḍeḍ-as naɣ yesssaweḍ-as win yellan am kečč naɣ am nekk?
Beẓẓa: win yellan am kečč ala win yellan am nekk wamma netta d igenni wi sebɛa yiwen ur yezmir ad as yaweḍ.
Buḥu: d acu i t-ttelliḍ deg uxenfuc-ik ih?
Beẓẓa: tesmektaḍ-iyi-d aṭas aya ttnadiɣ-as-d taziba ara as-d- yekfun ɣar w ass-a ur as-d-ufiɣ ara.
Buḥu: uẓum awal, uɣal d agugam, maca…iiih ad mneɣ ad d ssusmen at tregwa d at ẓegwa, ma d wa xaṭi.
Beẓẓa: Amek tebɣam ad nessusem ima ara tettwaliḍ: imelliẓ yettseddiq i win yerrrwan. Lefḥel yewḥel, leɛqel yehmel, ṣwab yeqqel ɣar lembuqqel d wuffiɣ n leɛqel d win yellan d lɣafel. Amek tebɣam ad nessusem ima ara tettwaliḍ: tadist (aɛebbuḍ) tugar allaɣ yessaweḍ ɣar uɣunzu n laṣel, win im twehad ad d yeddu d inigi, ad d yeggal amzun yella netta ulac-it, amek ara nessusem ima ara tettwaliḍ: nesenṣel taglimt nsedda adif, nḍegger ticlemt negla s nnif, am win yesɛan am win ur nesɛi, am win yeɣran am win ur neɣri am…kif kif lḥasun ur yefri wudi ɣaf yiɣi
Buḥu: d acu n weɣbel i k ikecmen? Akken yebɣu yili: ass-a d ass-a, iḍelli d iḍelli.
Beẓẓa: Ah! Ass-a d ass-a, iḍelli d iḍelli aya ẓriɣ-t! a diɣ netta aqel-aɣ: ula d nekkni am ass-a am yiḍelli anida i aɣ yeğğa yiḍelli i aɣ d-yufa wass-a, nettɣama alama yuɣal wass-a d iḍelli imir ad as neqqar: ah aniwa ara d yerren iḍelli d ass-a, xas neẓra iḍelli ur yezmir ad d yuɣal d ass-a, naɣ ass-a ad d yuɣal d azekka.
Buḥu: amek i yettissinen ih?
Beẓẓa: deg wassen i d nella d nekkni neqqar-as anef ahat ad nissin…akka ara n issin? win nenɣa ad aɣ-d-slalen wis sin naɣ sin nugi ad nissin.
Buḥu: aniwa i ak yeẓran ahat tikelt-a d tagara n lmerta ad d ḥlun wussan-nneɣ ala d ttawin imusnawen.
Beẓẓa:-amzun uqan ɣur-neɣ ima ara ffɣen ɣar lberrani.
Buḥu: Deg wannecta d temyerḍalen akk yemdanen ass-a fell-i azekka fella-k qqaren amdan s umdan Rebbi iman-is
Beẓẓa: d tidet, maca wida ass-a fella-k azekka fella-k ma terbeḥ iynes ma texser iynek, a tamusni ur tettwarḍal ara , ur tettnuz ara ma wer tt-tesɛiḍ ara xas ass-a ad tɣilleḍ tuɣeḍ-d azekka ad tafeḍ iman-ik tenziḍ ula d win yuḍnen tabeɛuct…amek ihi? ma ad nwexxer amek ad nqerreb amek ma neqqim di tlemmast ulamek, akken id as-nnan refdeɣ-t yujjaq serseɣ-t yujjaq amek ara as xedmeɣ aya xellaq amek ara nqabel qabel aseggass-a bezzaf i ɛeṭṭel!Ih! teqqarem kan nezdeɣ igelman-nneɣ netta d leḥya i tessetḥam ad tinim neɛya deg-yiman-nneɣ
Buḥu: Qqaren win yeɛyan yernu kra
Beẓẓa:Kra ara ternuḍ nnig ɛeggu d asexser
Buḥu:-Ad aɣ tɛegceḍ kečč-i
Beẓẓa:-Ih nekk amzun ṛwiɣ yegra-d kan kečč ad ak id-rnuɣ iy iri-w ula d nekk lluẓeɣ, ffudeɣ…
Buḥu: ma tebɣiḍ ad teččeḍ susem d taɣ awal anɛam yirbeḥ, awal aẓidan i teṭṭeḍ ula d tasedda, i teg abrid ula deg lebḥer. ah!ad mteɣ d dwa tella! ttnuzun medden nezz, ttderɣilen medden dderɣel, ma yess-i ara twenneɛ a wer s yeg Rebbi akken ara at wenneɛ
Beẓẓa: yaak nniɣ-ak ulamek
Buḥu:-Atan ah ssawḍen-d! ata limer d lebɣi, a wi yufan waqila! Ddan-d akk… amek ay ilaq?
– Aqel-aɣ akk da
-ansuf yes-swen ɣar da ɣur-neɣ amek alammi i ten-id sdukleḍ!
Ilaq: akken twalam nekkni d atmaten, lebɣi-nneɣ yiwen xas ma nemgarrad deg wasmiwen, imi uwḍeɣ nniɣ-asen tazwara kkren-d ɣer-i ad iyi-uwten d wissen id iyi-selken
Buḥu: am i k-id-isellek wissen?
Ilaq:-lebɣi n terwiḥt: yenna-yaɣ-d iwacu ara tennaɣem, kunwi di wissen, ruḥ-t, ass ara temlilem ayen yellan ad teẓrem ssin akin uɣalet-d ɣar wissen
Beẓẓa: I wissen yeẓra? Tenniḍ-as?
Buḥu: Ah! Ima yewwi-d slexbar? wissen d wissen mačči d yiwet i yessen
Beẓẓa: D aya iyi ugadeɣ i tura d acu i tennam?
Ilaq: akken ad d-naf amek Ilaq ad imzel waqila.
Limer d lebɣi: limer ilaq i aɣ-d-issefhem tilli i d nedhem wissen
Buḥu: I tura aniwa i d lebɣi n tarwiḥt aniwa i d ah…?
Beẓẓa: Ur d yeqqim ara aniwa i d wa naɣ d wa amek ara nexdem?
Win yufan: D acu ara k-iniɣ, xas neẓra d atmaten, yiwen wudem, maca ismawen mgarraden nekk d win yufan,win yebɣan ad iyi fhem ad imeyez isem-iw ad yaf d acu-yi .ad d ɣaf d acu i d lebɣi-w.ma d wi yufan yufa yezger ihenna ma d wayeḍ yeṭṭurfa ur yezmir i talwit wala i lfetna win ɣar ittiliɣ efekk-as imi xas ḍlant-tt cwami ifassen-is uɣen d lḥenni
Buḥu: I kečč a limer d lebɣi limer d lebɣi: nekk ur sseɣzafeɣ ara awal, ibeddu-tt-id yilaq yal tamsalt ara d innulfun d netta i d isiɣi, ilaq ima ara yessaɣ, ad d ilal wi yufan, ssin ad d irnu limer dlebɣi, waqila ad d yeḥlelli d netta id gellun s wamek, ulamek ima ara d irnu ɣur-neɣ yettlala-d ulamek, ulamek i teg abrid i wissen, wissen xas yeẓra, yeqqar kan wissen twalam daya i yessen
Buḥu: I tura amek ara d-naf amek, akken ur nettaweḍ ara ɣar ulamek?
Ilaq: akken ad d naf amek ilaq ad nezlu waqila
Waqila: limer d lebɣi n terwiḥt ilaq ad yessusem
Limer d lebɣi : acimi ara nezlu waqila
Ilaq: yal abrid ara tt-id sekreɣ d waqila i tt-yesnusuyen d wa id yeslalayen cekk. S kra i ttenɛettabeɣ wa yessenɣal-it
Waqila: ay ilaq a mačči deg yiles igi nxus. Yal yiwen deg-neɣ iwala anida i texreb, ulac win ur neẓri, macca akken nnan a wwah a tasa, azraɛ nessen-as akk, awi-d aniwa ara ymegren, aserwet nessen-as akk, awi-d aniwa ayessizedgen. nekk d aḥezzeb i d-iyi-nnɣan, ttxemmimeɣ ɣaf umenṭas ima ara yeḥsel, wammag mačči d aqedder i d ay-iweɛren
– awal nat wawal, ima ara-d yeffeɣ deg at wawal yessawal i wuzzal, awal yetɣimi d awal timecki ulac aberrez n temsal i wumi-t wawal?
Akli Outamazirt