Rreḥba tagraγlant tis 18 n wedlis i d-yellan ass n 30 tuber γef teγzi n 11 wussan temdel tiwwura-s ass n 09 unbir 2013. Kkkan di rreḥba n useggas-a nnig n 700 n yimzikniyen d tezrigin i d-yussan di tmura umaḍal yemgaraden.
Ddeqs n yedlisen yuran s tutlayin yemgaradent (taɛrabt, tafransist, taglizit…) i d-yewwin amḍiq-nsen di rreḥba-agi tis 18.
Ma d adlis yuran s tmaziɣt, ɣas ad d-nini ur d-iban ara.
Ḥala tlata n tezrigin d-yewwin yid-sen azal n taltin yedlisen stmaziɣt.
Wamag ayen yeɛnan idlisen d-yefɣen aseggas-a, ulac-iten s ttaqa. Deg uḥric n tsekla, ad d-nebder “Amjaḥ” n Abedellah Hamane, “Aqcic akked yiyid” n Remdane Abdenbi, “ulac i yicban tayri” n Djoher Benmouhoub. Deg ssenf-nniḍen, ad d-nebder “Amawal tamaziɣt – taɛrabt” n Khadidja Saad. Di ssenf-nniḍen maḍi, ssenf n “documentaire», iḥḍer-d di rreḥba -aya usaru n Hachemi Assad, ɣef tmeddurt n Ait Amrane Mohand Idir, imḍebber amezwaru n wesaqqamu unnig n timuzɣa.
Lixsas-agi sḥasfen-as aṭas n yimeγriyen n tutlayt n tmaziγt, ur nefhim acimi akka i d liḥala n wedlis yuran s tmaziɣt.
Islam Bessaci