Σlaḥsab n lessrar i d-yessufeγ Edward Snowder i yellan, zik, deg NSA, Marikan ‘’tettḥessis’’ i tmurt n Lezzayer d iseggasen-aya, kter n Tunes d Lmerruk. Deg yiwet n tkerḍit i d-yessufeγ uγmis n Lalmany ‘’ Der Spieder’’ , yesbeggen-d timura anta i tella yiwet n tuddsa iwumi qqaren SCS( Le spécial Collection Service). Tuddsa-a i d-yettakren isellalen seg ttawilat n GSM, Wifi, radyu d GMPCS, tella deg tmurt n Lezzayer akked Libya. Takebbanit-a txeddem i srabes n NASA/NSA. Amek d wanda i d-yettili wanect-a ? Σlaḥsab n yisallen uffiren i d-yura uγmis-a, ttawilat n usemḥes ttreṣṣin-ten deg yixxamen n Le consulat neγ n l’ambassade : ttilin fren, ur d-ttbanen ara γer berra n tnezduγin-agi. Akka, dγa, εlaḥsab n wayen d-nnan, issawḍen Imarikaniyen ad ẓren amekkan anda ttellint kra n trebbuyaε n rebrab deg tmurt n Lezzayer. S yissalen-agi i εawnen iγallen n laman n Lezzayer i wakken ad nγen Antar Zouabri deg useggas n 2002 u ad ṭṭfen Abderrak El Para. Acu kan, ttawilat-agi n usemḥas n rebrab llan deg lebḥar s ufella n yiγerruba.
Hocine.M