Inelmaden n tsenawit n ʺtḥerqatinʺ deg Uqbu, ḥebsen leqraya larebɛa i iɛeddan yerna xedmen timesbaniyin, annect-a yella-d ssebba n wuguren i ttidiren sdaxel n tsennawit am lexsas n trissiti sdaxel n kra n tzeɣwa akked lexsas i d-yellan deg tzeqqa n waddal. Ɛlaḥsab tarkeft ʺcomité » n yimawlan n yinelmaden ttwalin dakken tasennawit n tḥerqatin tettidir uguren meqqren deg waṭas n tamwiwin am lexsas n tirmin n wučči ilaqen ladɣa deg wussan-a n ccetwa akked lexsas n zzarb ɣef leswar n tsennawit, acku keččmen-d iberraniyen ɣer tsennawit annect-a ixleq-d tugdi ger yinelmaden ladɣa tiqcicin. Maca, uguren-a i yeǧǧan inelmaden ad xedmen timesbaniyin i d-yeglan s truẓi n kra n tɣawsiwin deg tsennawit. Seg tama-nniḍen tarkeft n yimawlan n yinelmaden wekkden-d dakken ssutren seg unemhal n usegmi d tɣuri akked yimḍebren n lwilaya iwakken ad d-gren tamuɣli ɣer tsennawit n tḥerqatin yerna ad d-afen tifrat i wuguren-a i ttidiren yinelmaden s lɛejlan.
Bousbaine. S