Awal ma nenna-t
Yerna kkes akk urfan
Lxir ar zdat
Am ass-a d wussan
Attayen Tizi
Maicic am yiḍelli
Tidet ad d-tezi
Yerna d ayen yellan
Ɣas iruḥ walbaɛḍ
Ɣas yella wi(n) nfan
Ad d-kkren wiyaḍ
A(d) sen-dmen amkan
Ɣurwat wi(n) iberrun
I ṭṭbel deg wamdun
Neɣ win itettun
Yettbeddil zman
Abrid yessawen
Si zik i neẓra
Drus i ɣ-yuɣen
Seg wasmi d-necfa
Tirrugza yecnan
Tettelli igenwan
Ma nedder ad ban
Ma deg-neɣ kra
D tinexsas neṛwa
I ɣ-d-issenṭaqen
Urnebehba ara
Mačči d imcumen
Tagi d ddunit
Yiwen tugar-it
Teddukel tcemlit
Adrar a(d) s-zemren
Yettnaɣ yiḍ d wass
Nek ur umineɣ
Am wi(n) ittesen yin(i)-as
Ad d-iglu s yiseɣ
A wid ixeddmen
A wid yeqqaren
A wid meẓẓiyen
Ay arrac nneɣ