Atan yeffeɣ-d yiwen n lqanun d amaynut seg uɣlif n usegmi aɣelnaw. Ur yelli kra ara yesferḥen inelmaden neɣ imawlan-nsen labeɛda iselmaden. Imḍebber amezwaru n uḥric n usegmi terḥa-t temsalt n « les tabliers ». Yegzem rray arrac ad lsen tibluzin s yini azegzaw, ma d tiqcicin s uwerdi. Acu i k-ixussen ay aɛeryan ?
Lemmer d lebɣi, lwelha n yimḍebbren ad truḥ tazwara ɣer wahil. Lakul yuɣal taggara-agi d Laboratoire, inelmaden d Les cobayes. Amek ara iɣer uqcic 7 n tsaɛtin i wass, ad yerfed aqrab iɛeddan 5 kilu ? Seg walluy ar aɣelluy, netta di lakul, tanga deffir tayeḍ,; yerna nessutur deg-s ad yeḥfeḍ,; ad yexdem iluɣma, ad d-yawi igemmaḍ yelhan. Waqila nettu agrud-agi yuḥwaǧ ad yimɣur, ad yurar. Degmi ass-a, nettwali acḥal i yettmenṭaren deg yiberdan, ǧǧan aɣerbaz neɣ ahat d netta i ten-yessufɣen urɛad d lawan.
La violence neɣ tikreḍt akken i s-neqqar, tuɣ aẓar deg yiɣerbazen. Le copiage yuɣ ikayaḍen. D tilufa i ibeddlen udem i lakul, almi uɣalen iselmaden d tselmadin ttagaden ɣef yiman-nsen, ur zmiren ad xedmen akken iwata. Yerna ulac kra ara iḥarben fell-asen.
Almi d lawan ara d-lhin yimḍebbren-nneɣ d temsal yecban tigi, zzin udem ɣer tmeclac. Iwakken ad iɣer unelmad, ilaq-as un tablier bleu ! I neẓra u mazal ad nẓer !
M. Smail