Hamel Damia, 18 n yiseggasen di laεmer-is, d tanelmadt di tusnawit n temnaḍt n Makuda, tufrar-d d tucbiḥt n teqbayliyin n useggas-a 2014, deg umzizwar id-yesduri usenssu krad n tjeğğigin (ex- Concorde) di lwilaya n Tizi-Wezzu. Taẓrigt tis 09n miss kabyle useggas 2014, d tin id-sudes mass Mourad Ait-Ahmed akk d Feriel s lemεawna n Tesγunt Taqbaylit (Kabylie Magazine). Tafaska-agi tettili-d yal aseggas, ass n 12 n Yennayer, amzizwer n useggas-a yella-d deg usenssu krad n tjeğğigin (ex- Concorde) n temdint n Tizi-Wezzu. 19 n teḥdayin i d-yufraren gar 250 i d-yusan deg yal tamnaḍt n tmurt n leqbayel, Bgayet, Tizi-Wezzu. Imḍebbren n Miss Kabylie i fernen ass n Yennayer i wakken ad gen tameɣra ideg ara tettwafren teqcict i ifazen di thuski (ṣṣifa), deg tikil d wadduy. Yella-d daɣen ccerṭ amaynut i d-yeqqaren tiḥdayin yebγan ad-ttekint deg tfaska, ilaq ad isinent ad mmeslayent taqbaylit akken iwata, rnu γef waya ilaq ad-tesεu aswir yelhan deg ulmud (un bon niveau d’études), i wesebγes n tutlayt tamaziγt. . Ad d-nesmekti belli llala-s n tullas n useggas 2013, d Loukab Sabrina. Deg tfaska n useggas-a, ḍefrent-d deg wemḍid wis sin, timsiwin Fadhila SI TAYEB 23 n yiseggasen, d tanelmadt n tutlayt Talmanit akk d Ouafa AZZOUNE 19 n yiseggasen di laεmer-is d tanelmadt n tusnawit di temnaḍt n Tizi-Wezzu. Tazrigt tis 08 n Lalla-s n tullas (Miss Kabyle) useggas 2014 tεedda di tegnatin igarzen aṭas, anda iḥedren deqs n yemdanen d yemḍebren, ger-asen aselway n wesqqamu aγarfan aγiwan n Tizi-Wezzu mass Ouahab Aït Menguellet, Aselway n texxamt n tjara d ṣenεa Djurdura, mass Ameziane Medjkouh akk d waṭas niḍen.
Islam Bessaci