Ilmend n usfugel n useggas amaynut n yimaziɣen 2964 aɣerbaz amenzu n Lɛemri Ɛebdella n Mceddala yesuddes i tikelt tamezwarut yiwet n tmaɣra ass n lexmis-agi yezrin i yinelmaden n uɣerbaz-agi,anda id-yella usmekti n kra n wansayen imaziɣen s ɣur inelmaden s lmendad n yiselmaden-nsen d unemhal n uɣerbaz-agi Brahim Badis. Tamaɣra-agi yella-d deg-s usekfel d usmekti n kra leɛwayed n temnaḍt-agi n Mceddala deg yennayer akked kra n wansayen iqburen am zwaǧ amensay,akken id asen-d-tewwi daɣen massa A .Farida taselmadt n tmaziɣt asarag ɣef umezruy n yennayer d wazal-is d wansayen ixedmen leqbayel di temnadin niḍen zik-nni. Asfugel n yennayer deg uɣerbaz-agi ḥedrent-t iselmaden n tmaziɣt id –yusan seg yiɣarbazen niḍen akked yiɣallen n laman ibedden ilmend n laman n tmaɣra-agi. Tamaɣra-agi ur tfuk ara s cḍaḥ kan d ccna d usmekti n leɛwayed,tella-d temzizelt gar tesmilin n uswir wis ukkuz ɣef wayen yeɛnan tasekla tamaziɣt akken i d-yella daɣen ufraq n warazen i yinelmaden id-yufraren s tezmilt 10/10 di tmaziɣt s ɣur massa
A .Farida