Tajmilt i Jean d Taos Amrouche

Partager

Ass aɣelnaw n unaẓur i d-yettilin yal aseggas, 8 deg yunyu d ass n wasmi yemmut Ali Maachi. Deg Bgayet, ɣas tajmilt i unaẓur ur d-telli ara deg wass-is ; azal-is meqqer aseggas-a. I tikelt tamezwarut deg umezruy n tmurt-nne&#611,; i d-terra lḥukuma tazzayrit, s wudem unsib, tajmilt i Jean d Taos Amrouche. Aya, yeḍra ddurt yezrin deg uxxam n yidles deg temdint n Bgayet. Tajmilt tessewjed-itt-id lwilaya n Bgayet, yebɣan ad rren azal i yinaẓuren ama ddren ama mmuten, ama zedɣen ama lulen deg temnaḍt-a, gar-asen : Saddek Abdjaoui à Abderahmane Bouguermouh en passant par Allaoua Zerouki, Ahmed Azzegagh, Azzedine Meddour, Djamel Allam, Louiza. Meɛna, ayen yerran lbal deg tejmilt-a, d tin i iga lwali s timmad-is i Jean d Taos Amrouche n temnaḍt n Ighil Ali. Ayen d-rnan i tsekla tazzayrit werjin tesṭeɛref lḥukuma deg-s ; imi xtaren ad uɣalen d imasiḥen. Γef ddemma n ddyana-nsen, lḥukuma-nneɣ terra-ten ɣer rrif, ggran zdat wiyaḍ ɣas tira d tsekla n Jean akked Taos Amrouche mmucaɛ-itent deg ddunit merra.

Djamal Ikhloufi

Partager