Ala anect-nni i ixussen Bgayet. Mebεed aneγluq n yiberdan n yal ass, d aneγluq n wallaγ i lebda. Tineggura-a, di kra n yiseččiyen (les restaurants) di Bgayet, uqbel ad ak-d-fken lmakla ad ak-d-ferqen iwellihen n ddin i d-yekkan si tmaneγt Riyad deg tmurt n Suεidiya. Iwillihen-a yellan s tira neγ s umesli, amur ameqqran deg-sen fkan-d amek i ilaq ad yeddu umdan akked yessi-s d tlawin-is imi tameṭṭut, γef wakken d-nnan, ulac laman deg-s : ur tezmir ara ad teḥkem di lebγi-s ; ur sebber ara γef lḥağa ma tehwaya-as-d. Daymi i ilaq ad tt-εassen s leqreb di yal amekkan u di yal lweqt. Am wakken i d-yenna,di&gamma,; ccix i d-ifettun d akken ‘’La Saint Valentin’’ d leḥram ameqqran, ameqqran. Am wakken neẓra, γer yisalifiyen lqaεa ur teddiwwir ara. Dagi nnan-d d akken mi ara tembbiwel lqaεa (tremblement de terre) d Rebbi i as-yennan ad tergagi i wakken ad d-yesduqqes imdanen u ad d-ibeggen lberhan-is. Aya akk, ama d tira neγ d iḍebsiyen, yettunefk d tukci ur yettnuzu ara.
H.M