Yenɣa iman-is, tameddit n letnayen iɛeddan, yiwen n umdan deg tɣiwant n Melbu, i d-yezgan s wazal n 36 n yikilumitren ɣef waɣir n Bgayet. Ɣef leḥsab n yisallen i aɣ-d-yewwḍen seg temnaḍt-nni, s uɛelleq s temrart ɣer ttejra i iga umdan-a talast i tudert-is deg yiwen n wadeg i yexlan cwiṭ. Ad d-nesmekti dakken argaz-a, d aberrani, ur yelli seg twilayt n Bgayet. S twaɣit-a tinmettit, aṭas n medden i yeṭṭef leḥzen deg leǧwahi-nni, ladɣa. D asḥissef ameqqran ɣef wamek i d-ggran yilemẓiyen ttaysen seg liḥala n tudert.Akken ad d-banent ssebbat n wanɣiman-a, yemmug unadi sɣur ssrabes i teɛna taluft.
M. K