Aγiwan n tusniwin n talsa d tid n tmetti, n tsedawit n Lmulud n At-Mεemmar n Tizi-Wezzu di tama n Tamda, yessudes-d ass n 21 yennayer ideg nella, yiwet n temlilit n unadi γef lfayda id- wwint tdukliwin i iqedcen deg aḥricn tmetti i warac imaεder. Leqdic-agi yella-d s tallelt n 02 n tdukliwin n lwilaya n Tizi-Wezzu i iqedcen deg annar-agi n tmetti, tigi d tiddukla n yimaεdar d yemddukal-nsen (AHLA)n temnaḍt n Wizgan akked tiddukla n warac imaεdar n At-Umalu tamnaḍt n At-Yiraten. timlilit tesddurit-id tzeqqa n leqdicat n tseddawit n Tamda,anda iḥedren deqs n yinelmaden d ttnelmadin, iselmaden d iεeggalen n tdukliwin n tmetti. Mass Lamara Muḥamed Smaεil aselmad deg uγiwen n tusniwin n talsa d tid n tmetti, i ittewxeṣen deg umsali « lahdur », yemeslayed γef assaγen n tdukliwin n tmetti d lfayda s wayes id-glant i warac imaεdar, anda i yessaḥres deg yinelmaden n tagara n wulmud, wi yebγan ad-xedmen inadiyen-nsen γef lexṣas n yimaεder akken ad-qesden tiddukliwin n tmetti, akken ad-aggmen di tmusni. Aselway n tiddukla n yimaεder d yemddukal-nsen n temnaḍt n Wizgan,mass Saεid Hammoum, akked d mass Rezzik Muḥend Akli yemeslayen-d γef ahil n tdukliwin-nsen, amezruy d umecwar id-wwint. Syen Baya hammoum, tamarayt tamatant n tiddukla n yimaεder d yemddukal-nsen n temnaḍt n Wizgan, temeslayed γef yisenfaren ixedmen akked tdukliwin n tmurt n Lzzayer akked tigreγlanin d lfayda id-wwin. Iswi n temlilit-agi dasebγes n leqdic ger tdukliwin d tsedawiyin, itifrat n wugguren id-ttmagaren yal ass imaεder, akken ad-lemden di tegnatin yelhan.
Islam Bessaci