Amezgun d yiwet n tewsit n tsekla i yellan seg zik ,akken i t-id yesbada Bretch «D taẓuri i iteksen umus deg tmetti ,yemmal-d ṣwab,yettwellih ɣef wayen diri ». Tadra-s d igrigyen it-id yesnulfan d imezwura,snulfan-d deg-s kra n tewsatin (la comédie akk d la tragédie) am wakken is-gan tasegda amek ara yizemiren yimdanen ad walin ticcequfin n umezgun (les amphithéâtres),rnu ɣer-s wid ar iwalin taccequft umezgun ur ttxelisen ara fell-as. Ma yella deg tmurt leqbayel amezgun yella seg zik d acu kan imdanen ur ẓrin ara d amezgun amedya Tislit n unẓar…d acu kan amezgun ur yettwasen ara alami d iseggasen n 1940 imi d-tella ṛṛadyu d alallen n taywalt i t-id yesnulfan.Maca amezgun-a d win taɣect kan neɣ d win iwumi qqaren amezgun n ṛṛadyu (le théâtre radiophonique) gar imenza i t-id-yesnulfan Muḥemmed d SaԐid Ḥilmi,Cix Nurdin ,Gar 1950 d 2000 azal n 1400 n tceqqufin i d-yellan deg ṛṛadyu,isental ɣef wacu i d-ttawint d ayen yerzan tudert n twacult taqbaylit ,am akken daɣen i d-nnulfant kra n trebbuyaԐ deg yiseggasen n 1950 deg yiseggasen n 1950 Slima Ʃazem yesseqdec amezgun deg tesfifin-ines anida yessemras adiwenni .Ma yella d win i yimucaԐen deg deg umezgun aqbayli d MOḤYA (1950/2004) netta yella deg tasut n yisedawanen n Ben Ʃaknun deg useggas n 1971 tarbaԐt-a n yisdawanen gar-asen MOḤYA tekkin deg yiwet n tceqquf n umezgun i yura Kateb Yasin ‘Rfed tabalizt-ik a muḥ’ dɣa s tceqquft-a wwin araz amenzu deg tfaska n umezgun n Qarṭağ 1973 taceqquft-a teffeɣ-d deg le bultin d’étude berbère deg useggas n 1974 dɣa aṭas n tceqqufin n umezgun i d-yerra ɣer taqbaylit seg-sent tacebaylit n piranndello,Si Leḥlu n Molière .
Ziar Ahcene