I wakken ad nẓer amek iteddu leqdic n yidles deg temdint n Tizi-Wezzu, nerza ar Tenmhla n Yidles. Nebda tarzeft nneɣ s umager amesrar n temsiwt Waḥyun, tamarayt n tnekfaḍut (animation). Tessebgen-aɣ-d tabadut n yidles, d wayen akk yellan deg-s. S yin nɛedda ad nwali isirra i yessuddusen i usɣu. Asirra amezwaru yettheggi-d iseɣzanen (logiciels), internet. Tanmehla n Yidles xedmen daɣen aṭas n temzizwar i lmend n wussan iɣelnawen d waṭas n tfaskiwin. Yella asirra nniḍen i d-ilehhun d uxelleṣ n yixeddamen d wurmuden-is. Yella asirra yettawin ixeddamen, yella wayeḍ i ixedmen tisekkrin (procédures) i tiɣin n wayen akk tteḥwiǧin. Nefhem daɣen, deg usirra niḍen amek i teddun lecɣal mi ara bɣun ad bnun izudaɣ. Nwala-d daɣen anfa (service) n tgemmi tadelsant ideg nefhem d acu d amgarred ger tgemmi (immatériel) (tamedyazt, anzi…) d tgemmi (matériel) (imukan, imserzaken….) d wayen akk yesɛan assaɣ d umezruy. Akken ad nefru tarzeft nneɣ nekcem ɣer tamarit (secrétariat) i deg i xedmen tarmest (réception) n usiwel d tnugginin i unemhal mass Uld-Ɛli-Lhadi, ara nessenmer aṭas, imi ɣ-d-yefka arrazen deg taggara n tmeẓriwt nneɣ. Ǧennan Milisa (3éme)
Aɣerbaz alemmas Lɛerbi Mezzani. (At-Yanni)