ilmend n wass agreγlan n tlelli n tγamsa, id-yettuγalen yal ass n 03 maggu di yal seggas, tidukla tadelsant Alma n taddert n yigersafen n tγiwant n At-yeğğar yetabaεen Dayra n Wizgan sudesen-d yiwen n leqdic γef dema syiwen n wahil d amesbaγur u swazal-is. Dγa ahil leqdic dwin yebḍan γef ssin n yaḥricen. Aḥric amenzu d timzizelt n tzabut s tutlayt n tmaziγt, anda i ukkan inelmaden n useggas wis 05 n weswir amenzu, i ilemden deg γarbazen imezwura n 07 n tudrin n tγiwant n At-Yeğğar. iswi n temzizelt-agi d asebγes n tutlayt n tmaziγt. Akken daγen id-yella yiwen n usarag n Σebdeslam Σabdennur γef tudert n umusnaw ccix Muḥend Welḥusin. Syen yella-d uzenzu s yibudan n yedlisen n tmedyazt n ssin yemyura. Amenzu d amud n yisefra s tutlayt n tmaziγt, s usentel Tiyirsi, id-yessufeγ umyaru Fahim Messaoudène, akked d wamud n yisefra s tutlayt n tefransist id-yesufeγ wemyaru Omar Sadou, idlisen-agi fγen-d di tezrigin Richa essalam. Aḥric wis ssin d taγuri n tmedyazt, d tajmilt i yiwet n tmedyazt u d tamjahedt n taddert n yigarsafen i tewwi tmettant deg seggas yezrin 2013, tagi d Wnisa Tadaḥmant. Deqs n yimedyazen d tmedyazin i yukkan deg wegraw-agi n tmedyazt, ger-asen, Ḥmed Challal, Khellaf fergani, Muḥend Aḥitos, Busaεd hemmar,Djaffar Chirifi akked 03 n tmedyazin, tigi d Souad Akkou, Fahima Belabbas akked Sylia Himène. Leqdic-agi yesdurit-id uγarbaz amezwaru n taddert n yigarsafen, u yedda γef teγzi n yiwen n wass, anda i yekfa s tikci n warazen d igardasen usebγes inelmaden id-yufraren di temzizelt n tzabut n tmaziγt, imedyazen d wid yukan mera di leqdic-agi.
Islam Bessaci