Ilmend n wayen i d-turam deg uɣmis nwen uṭun 3634 id yefɣen as (Arim 28 Yebrir 2014) ɣef temsalt i d-icudden ɣer tkebbanit n SONELGAZ “Urrif ɣef Sonelgaz” yessefk fell-aneɣ ad d-ner, imi d azref- nneɣ. Deg seggasen n 70 i tebda tmurt n Ldayer tessawaḍ Tazarurt(Trisiti) ɣer tudrin, as-nni imezdaɣ n tmurt-nneɣ ferḥen aṭas mačči cwiṭ, amzun d tameɣra. Takebbanit Taɣennawt n Trecite d Lgaz, mači ken d tafet i d-tessekcem ar ixxamen, tewwid taɣen taɣerma, newweḍ nessaxdam ttawilat i iteddun s tzarurt am nekni am wiyaḍ. Ulac axxam ur nessaxdam ara ttawilat-a, ulac amdan ur n ttaḥwiǧ ara trisiti, ula d aεrak n weɣrum yuɣal tura s trisiti, imi kra n lxalet εarkent s ttawil iwumi qqaren(Petrin). Rnu ɣer ɣures ayen nniḍen(Télivision , Micro ordinateur Télephone portable…….) lḥasun ula d ttawil n tujya teddun s tzarurt. Makken d tusa trisiti, d tameɣra ar imezdaɣ, ulac ttawil ur n teddu mebla yes, imi d yewwi lhal ad as-ner tajmilt i wid t-issawḍen ɣer yal azniq ɣer yal tamnaḍt ɣas akken d wa i d leqdic-ines, nuɣal netqejjim deg-sen, akken qqaren « Win yerwan yexdaε Rebbi». Akken qqaren daɣen «Win yeččan yerwa yerza aḍebsi ». Ihi; i wid iqqaren: « Amsebrid yewweḍ s aḥdid » Amek tebɣam ad nesεeddi lexyuḍ n trisiti akked iqadusen n lgaz? ma yella ur nεedda ara ɣef tferkiwin. Ihi ilaq kan ad nefferfer, neɣ akken is-qqaren At zik: « Taḥbult ur tbeddu Tagdit ur tettlaẓ » Ma dayen yerzan tamsalt n tfaṭurin i d-neččeyyiε tura uɣalent deg akud-nsent, nessufuɣ-d Amelyun d mitin n walef (1 200 00 00) d tafaṭurt, i useggas-a ayen yerzan ken Bgayet, ɣer tama n waya nezmer ad-d ini dakken « Ala Rebbi ur nɣelleḍ ara » D acu kan Takebbanit n trisiti akked d Lgaz n temnaḍt n Bgayet tnecced i yal yiwen yesεan aɣbel-a ad yerzu ɣer srabes n tkebbanit-a i t-d-iqerben i yellan di yal tamnaḍt n lwilaya,akken ad icekti. Dacu ken win iwumi i teffeɣ ur yesεi ara azref, d netta ara ixelsen nsib n leqdic i d-icudden ɣer umahil-a,imi annecta d asaḍuf i d-yemlan aya. Tura, ma yella dayen yerzan tamsalt n yixeddamen-nneɣ iwumi tesbubbem iqannan neɣ iqerraḍen, aya ur yelli deg-s swab, imi ma yella zgan ttudun deg zenqan n tudrin, aya dayen i d- yeskanayen dakken xedmen lxedma-nsen yerna di lfayda n imsaɣen. Atnan deg yal tamnaḍt, ama d-as neɣ d iḍ, ama d adfel neɣ d iṭij, ula ma yella tecεel tmest deg ḥerqan ad t-in-tafem d inna, Imi iswi n tkebbanit d Tafat i yimezdaɣ. Ar taggara umeslay, nezmar kan ad d-ini awufan ad tbeddel tikti; imi Takebbanit n wefraq n Trisiti d Lgaz akken ibɣu yili teldi tiwwura-ines i yal yiwen imi « Rraḥa nwen d aɣbel nneɣ ».
Amenhal n Tkebbanit