« Iqudas n waman n-uqerru tɣiwant n Tazmalt sɛan nnig n 50 isegaqqen ». Ayagi yenna-yaɣ-t-id yiwen umḍeber n sserbis n tezdeg n-useqqamu aɣerfan aɣelnaw n Tazmalt. Ayagi yessewham aṭaṣ ! « Akka ihi, iqudas yettawin aman ɣer yixxamen rkan. Ttuxedmen s la fonte. Wagi yesɛa tudert n 25 iseggasen kan. Maca iqudas-agi yellan tura laɛmar nsen iɛedda 50 iseggasen. Txedem-iten Fransa asmi tella dagi. Ar ass-a ur ttubedelen ara! » yenna-d mas-agi n serbis n tezdeg. Aɣbel-agi dayen yeǧǧan iqudas ṭerḍiqen myal tikelt. Ulac ass anda ur yeḍri waya, ɣef akken n ttwali deg tama-agi n Tazmalt. Iqudas-agi iqburen ilaq ad ttwaksen, acku ur ṣliḥen ara i uṣiweḍ n wman n tissit. Maca aṭaṣ n yimezdaɣ n Tazmalt i sseqsayen ɣef amek imḍebren n tɣiwant-agi ur srisen ara iqudas imaynuten yettuxedmen s le PEHD ur n rekku ara. « Taɣiwant nneɣ tɛawed iqudas n lgaz kan, ma d wid n waman
teǧǧa-ten! » Akken iɣ-d yenna yiwen n mas. Ɣas akken serbis n tezdeg ibed mliḥ ɣer wayen yaɛnan tezdeg n waman, maca iqudas qqimen d-aɣbel amuqran, imi ilaq ad bedlen s yimaynuten, anect-a i tezmart n yimezdaɣ i tessen aman n lkalkir lakked d ṣḍiḍ ur n gerrez ara i tezmart n wemdan. Ɣef ayen yaɛnan aman n lebyur, wigi mazal-iten d-agnu amuqran i yimḍebren n serbis n tezdeg, imi aṭaṣ n lebyur yellan deg tɣiwant n Tazmalt ur zeddig-it ara. Azal n 1000 n lebyur yellan deg tama-agi. « Akka ihi, aṭaṣ degsen ur zeddig-it ara. Ilaq-asen tabrikt n ljir neɣ anres att-ixdem bab n lbir daxel n waman iwakken ad-izdigen. Ad greɣ tiɣri ar wid yesɛan lebyur iwakken ad asen ad awin tibrikin-agi n wenres, bac ad izdigen waman, akka aten-swen mebla tugdi. Anebdu ilaḥq-d ar tewwurt, ɣef ayagi ilaq imezdaɣ n Tazmalt ad ɛassen iman-nsen ɣef aman ur zedig-it ara. ».Iɣ-d imḍeber-agi n tezdeg.
Syphax.Y