Tabrat tunsibt s tmaziɣt !

Nessaweḍ ahat ɣer yiwet n tallit anda tuɣalin ɣer deffir ur twulem ara. S kra n win yettmeyyizen, yehṣa d akken taluft-nni iɣef i d-yebded ad tt-yessiwe&#7693,; am lamana. Ur nezmir ad nili d isartiyen, yessefruyen yal mi ara d-awḍent tefranin. Tamsalt n tmaziɣt sselḥuyen-tt widen akken iteddun di rrif, umnen ahat yiwen n wass ad ssiwḍen. Deg-sen, iselmaden n tmaziɣt di yal aswir, seg umenzu alamma d tasdawit. Am wakken daɣ i llan inaẓuren. Ur ilaq ara ad nettu imesǧernanen, yumnen s temsalt-agi.

Aya, nwala-t deg waggur-agi ideg nella mi akken imawlan-agi n tira n Uɣmis n Yimaziɣen ssawḍen ad aznen tabrat s tmaziɣt i yimḍebber unsib. Deg-s ssutren timlilit i udiwenni i lwali n Bgayet, Tubiret akked Tizi-Wezzu. D ayen ahat ur xdimen ara wid teεna temsalt.

D yiwen n usurif ɣezzifen s asnerni n tutlayt n Masensen mebla asuɣu. D aɣmis kan am wiyiḍ i yesduklen wid yettnaɣen ɣef tmaziɣt i yettnadin ad tt-snernin mebla ma rǧan kra ! Nezmer kan ad d-nini d akken La Dépêche de Kabylie, tessufeɣ-d tiɣri n yal Aqbayli, texdem εinani ayen akken iseg ttkukren wiyaḍ.

Aɣmis n Yimaziɣen atan yerẓa asalu, d tagnit ara farṣen wiyaḍ i tikli ɣer zdat. D wa i d asirem n Mammeri, Djaout, Matoub d wiyaḍ !

M. Smail