Tamazirt n temdint, tili "yessefsayen" aẓɣal !

Partager

Tamazirt n temdint n Tazmalt (jardin public) tettwassen aṭas deg tama-agi n Ṣumam. Telli tiwwura ines deg seggas n 1991. D yiwen wemkan yeččuren d-isekla n myal nnuɛ. D yiwen wemkan, daɣen, yettaran aẓɣal lakked d-izarigen neɣ iẓenẓaren n yiṭij. Ulac amkan degs ansa ad yekcem yiṭij ! Ɣas ma yella tisenfarin (températures) deg berra wḍen-t wissen ar wanda, deg t’mazirt-agi iɣelli weẓɣal, acku isekla yellan degs ttaran akken ilaq lḥuman. Akka ihi, segmi i d yekcem wagur n Ṛemḍan, tamazirt-agi tuɣal as t-ini-ḍ d ssuq ! Aṭaṣ n yemdanen yettruḥu-n ɣures, iwakken ad qimen ɣef ikedanen (les bancs) acku fad, aẓɣal lakked laẓ yesfecl-iten ! Deg t’mazirt-agi i ttafen iman-nsen, akka ṣebren i Ṛemḍan. Aṭaṣ gar yemdanen-agi qaren iɣmisen iwakken ad sɛeddin akud, i ḍulen dayen kan deg nebdu-agi. Uẓum yettaweḍ ar 16 n swayeɛ, dayen yuɛren aṭaṣ ɣef wid yettuẓumen. Llan widak « itt-yekaten » d-iḍeṣ ! Ttqeggilen, imi ur sɛin ara kra at xedmen. Ahat ad kren ad d-afen yedden ccix lǧameɛ, ad azlen imiren ar yixxamen nsen ad ɣlin ɣef ṭabla ! Aḥlil ! Tamazirt-agi yellan deg temdint n Tazmalt, d yiwen wemkan i ttxalaḍen aṭaṣ n yimezdaɣ deg Ṛemḍan-agi. Saɛid d yiwen gar-asen i d yettasen kul ass, iwakken ad isɛeddi akud. Yenna-yaɣ-d ɣef ayagi: »Tamazirt-agi tɛaǧeb-iyi dayen kan. Kulas ttas-eɣ-d ar ɣureṣ aken ad qqim-eɣ. Ad meslay-eɣ lakked d yimdukal-iw. Qqar-aɣ aɣmis, smuzgut-eɣ i cna…Lḥaṣul mači d yiwet i xedm-eɣ dagi, akken ad yifsus felli Ṛemḍan. Nek yuɣ lḥal aqliyi deg yimuras (les vacances). Nek d aselmad deg uɣerbaz amezwaru! ». Akka ihi id-aɣ-d yenna umdakel-agi nneɣ. Tamazirt-agi n Tazmalt telha, d-acu kan txuṣ-itt cwiya n tezdeg. Wid i kečmen ar din, ur asen-d yecliɛ ara ma ilaq ad ǧǧen amkan d-azedgan neɣ ala. Ṛṣaḍ yella cwiya, dayen ur nessefraḥ ara.

Syphax.Y

Partager