Hocine Haroune Aselway n l’APW de Tizi-Ouzou :
“Ay acki-tt tajmilit-agi is yuɣalen i umedyaz-nneɣ Ben Mohamed. D ayen yesefraḥen mi ara nwali ayen-nni n yemdanen id yekkan sya d saya akken as innin i unaẓur : aqlaɣ yid-k, aqlaɣ ɣer yidisan-ik, tajmilit-ik d ttin meqran”
Mourad Rahmane aselway n tɣiwant n Wassif
“Ferḥeɣ aṭas imi tgarez tajlimit-agi yuɣalen i umadyaz-nneɣ nettɛuzzu Ben Mohamed. Ferḥeɣ imi kkiɣ deg uhaggi-ines. Ben Mohamed yuklal leqder , yuklal as-tuɣal tajmilt icban tagi. Tanemmirt i yimezdeɣ n At Wassif id yussan qecuc mecuc akken ad begnen i Ben Moḥamed azal n leḥmala yekseb deg ulawen-nneɣ.”
Lynda Koudache( tamedyazt)
“Cerweɣ ! Daya kan ara d inniɣ. Ur yeshil ara ad yinni umdan isefra zdat inaẓuren am kamel Hamadi, Hassen Abassi , Ben Mohamed….maca i draɛ n umedyaz nettɛuzu ayen ilaqen ilaq”
Ben Mohamed.
“Ur zmireɣ ara ad afeɣ awalen akken ad weṣfeɣ ayen umu ttḥulfuɣ di dqiqa-agi. Tajmilit-agi tḥuza-yi aṭas aṭas, d awezɣi ad ttettuɣ. Amek ur ferḥeɣ ara mi ara walliɣ izumal n yemdanen id yussan sya d sya akken ad bḍun yidi yiḍ-agi ? Amek ur iferḥeɣ ara umdan ticki ara iẓer s wallen-is amek yezdi wawal ɣer reḥba n wawal inazuren am Kamel Hamadi , Hassen Abassi, Slimane Chabi , Belkacem Hadjad, Hocine Haroun….Amek ur ifareḥ umdan ticki ara isel i yisefra n tasuta tamirant am Kiki d Murad Rahman ?
Ferḥeɣ s umecwar tuɣ tamedyzat taqbaylit, ass-a asafu ibeddel ifassen aten gar wid ara s yernun di ccan akken tafat-is a teḍwi ugar. Maca ay akken yebɣu yuẓẓ umdan ɣer wayen umu neqqar talsawit, ur ilaq ara nettu talaba n tnaṣlit imi ma yella nezwi lasel ɣef ayen i nxedem.. ad aɣ teḍru am umenṭas mi ara yenṣel.”
yessenṭeq-iten-id Ait Slimane Hamid