Akka ihi, as n lɛid amecṭuḥ « yessufɣ-d » taqqerruyt-is, la yettqerib-d s-isuraf. Mazal kra n wussan kan iwakken ad ifak wagur n Ṛemḍan, ad kcemen wussan n lɛid. Ayagi ahat yessefraḥ aṭaṣ igerdan, imi ass-nni ad lsen iceṭṭiḍen imaynuten, ad uraren s yilellucen ad jemɛen idrimen. Maca, lferḥ-agi yenqes ɣer imawlan nsen, acku yettraju-ten usufeɣ n tedrimt s waṭaṣ ! Yuɣ lḥal, ṭul n wagur n Ṛemḍan d nutni ttaɣen-d učči mebla caḥa, akken ad sɛeddi-n Ṛemḍan akken ilaq. Tiwaculin-agi ṣserfen-t aṭaṣ n yedrimen, ad uɣalen-t, tagara n Ṛemḍan, am iyuẓaḍ yettwareycen ! Imensi n lɛid amecṭuḥ, ilaq ad aɣen-t iceṭṭiḍen i derya nsen-t, ayagi imawlan ttḥulfu-n am akken d tiyita n K.O ! Ass nni n Aḥad, neɣ larbɛa, n ruḥ ar ssuq n Tazmalt, iwakken an wali amek tella liḥala dinna. Neẓra aṭaṣ n twaculin i tezzin ɣef ṭablat n-iceṭṭiḍen, iwakken ad aɣen-t iselsa i warraw nsen-t. Arrac-nni yedduklen d-yimawlan nsen waɛren aṭaṣ. Ssulin asen aman d-asawen i yimawlan nsen, acku bɣan asen d-aɣen ayen bɣan kan nutni, ɣas ma yella iselsa nni ɣlayit ! Ayagi yeǧǧa ibabaten ḥeṣlen, am win yellan ger iberdan. Si tama-agi, ilaq ad selsen arraw nsen, si tama-nniḍen iceṭṭiḍen yelhan ɣlayit fellasen ! Amek ar a xedmen ? » Wigi rran iyi tawenza ar t’melɣiɣt ! Ɛewqaɣ deg qessam nsen. Bɣan asen d-aɣ-ɣ ayen ɣlayen, nekkini ur tufi-ḍ d-ac n lxedma ixedm-eɣ. Yerna wacmen kaliti iselsa-agi n cinwa kan! ». Akka iɣ-d yenna yiwen n Mas, d bab n sin yigerdan nemlal-it deg ssuq-agi n Tazmalt. Ayen yaɛnan ssumat n-iselsa, tigi ɛla ḥsab lkaliti. Yella ayen i rexsen, maca mači dayen yelhan, yell wayen ɣlayen maca yelha. Am Ṣandal n warrac imecṭuḥen yiwḍen ar 750 idinaren. Neɣ atriku lakked d curṭ n umecṭuḥ yiwḍen ar 850 idinaren. Ayen yeɛnan iselsa n yigerdan imuqranen, ssumat mxallafen-t maca ɣlay-it. Aserwal nnig n 1200 idinaren. Atriku 950 idinaren. D-acu kan, aṭaṣ n twaculin tizawaliyin ur n slusuyen-t ara arraw nsen-t fedra n leɣla-agi. Maca, ahat ulawen ad iḥninen deg tama n yimerkantiyen ar ay yefken i twaculin-agi iceṭṭiḍen imaynuten, iwakken arraw nsen-t ad sɛeddin lɛid amecṭuḥ akken ilaq.
Syphax.Y