“Lgirra n 1954-1962 deg tmedyazt n tilawin’’, d adlis wis rebεa n Ramdane LASHEB i d-yefγen γer tezrigin ACHAB ddurt-agi iεeddan. Adlis-a, yettuneḥsab d tazrewt tamezwarut γef tsekla timawit deg tmurt n leqbayel, ladγa, di ṣṣenf-agi n tmedyazt akked ccnawi. Am wakken i d-yewwi, di&gamma,; amaynut γef wiyaḍ imi netta yessenṭeq-d tamedyazt n warisem. (Poésie anonyme). Tazmamt-a, tebḍa γef xemsa yiḥricen ; tebḍa εlaḥsab n yisental. Aḥric amezwaru, ad naf deg-s ciṭ γef umezruy n Wat Dwala. Wis sin, yettmeslay-d γef tsekla timawit. Ma d wis tlata yefka-d tamuγli tasnalast (anthropologique) d tsertant (politique) n tmedyazt n lgirra 1954-1962.Wis rebεa yesban-d isental n tmedyazt. Ma d aḥric aneggaru d tamuγli tamazrayt n yisefra n lgirra 1954-1962. Llan deg udlis-a198 d asefru. Ma γef wayen yeεnan iswiyen n leqdic am wa, yenna-d Mass LASHEB :’’iswi amezwaru d aḥerrez γef tsekla timawit, iswi wis sin nebγa ad d-nesken azal i sεan yisefra n lgirra n 1954-1962. Iswi wis tlata nebγa ad nessifrir lfayda i sεan yisefra n lgirra ass-a n wussan i tira n umezruy n tallit n 1954-1962.’’
GM : Ramdane LASHEB d aselmad n tmaziγt di tmurt n leqbayel. Yettheggi, akka tura, duktura di tussniwin n usedwel (sciences de l’éducation) di tesdawit n Paris 8 di Fransa. Am wakken d atiknisya n tussna n later (fouilles archéologiques).
Hocine.M