S lferḥ d unecreḥ i d-tewweḍ tmeɣra n lfeṭṭa n At Yanni ar taggara-isen ass nni n lexmis 15 ɣuct. I lmend n tegnit-agi yeḥdeṛ mass Berḥi, anemhal n texxamt n tinḍi, imḍebberen nniḍen d-yeddan yid-s d u uselway n tɣiwant mass Deɣul. Mass aselway n tɣiwant yenna belli: « tameɣra n tikelt-agi tecbeḥ, usan-d ɣer-s aṭas n lɣaci. Ama d arraw n tmurt, ama d iberraniyen”. Yessenmer-iten meṛṛa, am wakken yessarem ad tuɣal tmeɣra-agi aseggas d-iteddun. Yerra tajmilt tameqrant i weɣlif n tinḍi d tmerrit, d wid d-yefkan afus n tallelt d facebook n At Yanni. Tameɣra useggas-agi tesɛa 30 ususen di tiliɣrit tazzayrit. Tajmilt i umaṭṭaf n radyu n Tizi-Wezzu. Deg wayen yeɛnan lbiɛ n yisɣunen n lfeṭṭa, yella wemagared gar iḥeddaden, acku llan wid yezzenzen aṭas, d wid yeznzen kan kra. Maca akken yebɣu yili lḥal taɣiwant tbud-asen merra igerdasen n uttekki. Tameɣra-agi tis 11 n lfeṭṭa igerrez wamek tɛedda, tuddsa-s tfaz aṭas. At Yanni xeddmen ayen akk yellan deg-sen akken ad tidir tmeɣra-agi nsen.
Canez Deḥlal