Mebεed mi d-yessufeγ Meziane Boulariah tamezgunt ‘’Yuγal-d yetbir γer lεec’’ deg wagguren-agi iεeddan, d netta i d-yuγalen s timmad-is γer tira n umezgun. Tikelt-a, yewwi-d tamezgunt i wumi isemma ‘’D ayen teẓdiḍ i saffeγ’’. Am wakken yuγ tannumi Mass Boulariah yettak azal ameqqran i tsekla taqbaylit, ladγa, tasekla timawit d useḥbiber γef umawal d tenfalin n zikk-nni, tikelt-a, yerra-d lwelha-s γer unnar n uγbalu n yinzan yellan yakan deg teqṣiḍin.
H.M