Tazrigt tis 03 n lḥemla uḥesses d usaḥbiber γef twenaḍt akked uḥareb γef tezdeg n ugama s usentel » Ibardan izegzawen » id-tessudes tdukla tudert di twenaḍt n taddert n saḥel taγiwant n Wizgan, s lemεawna n tddukliwin yemgaraden n temnaḍt n Wizgan, timahliwin n yedles d yelmeẓyen d wadal n lwilaya n Tizi-Wezzu, agraw n tdukliwin n tmaziγt d waṭas niḍen, d tin yeldin tiwwura-s s wudem unṣib ass 29 almi 31 γuct 2014 γef teγzi n 03 n wussan. Ahil n leqdic d amesbaγur anda i llant temzikniyin yemgaraden γef twenaḍt d wamek id-yettili uεiwed n usexdem n yiḍuman, isaragen γef uggur n twenaḍt d wazal n tezdeg, akken i tella d tagnitt yelhan imi imusnawen i yettewxeṣen deg aḥric n tezdeg fkan-d iwellihen γef ammek id-yettili usuffeγ n yiḍuman deg yexxamen. Deg ass wis ssin, tella-d yiwet n tikli n tezdeg, anda ilḥan nnig n 300 n yemdanen, tuget deg-sen d arrac imecṭaḥ, di tlemmast n temdint n Wizgan, anda isuturen tezdeg n ugama. Iswi n tmesbanit-agi, d tiririt n wazal d ccbaḥa n tmurt leqbayel, d usebγes n yemdanen akken ad-ggen tilas i wuggur n twenaḍt, annact-a ad-yilli s usṭṭuqet n leqdic. Tamesbanit-agi ukkan deg-s iεeggalen i ittewxeṣen deg aḥric-agi n twenaḍt n 10 lwilayat yemgaraden n tmurt n Lzzayer, ger-asent, neεama, Tamenraset, Xencla d waṭas niḍen.
Islam Bessaci