Taɣiwant n’At Rẓin, i d yezga-n s kra n 85 ikilumitren ɣef wenẓul n Bgayet, txuṣ aṭaṣ deg waḥric n tmezduɣt. Ar ass-a ahilen n lebni n tmezduɣin qqimen kan deg lkaɣeḍ, imi deg tilawt aṭaṣ n wuguren i g-llan, yettqeriɛen s lǧahd muqren asnefli deg tɣiwant-agi. Ugur amuqran yewwet-en tama-agi yussad sɣur lixṣaṣ yaɛna-n akal n lebni. Akka, ɣef akken i ɣ-d yenna umḍebber amezwaru n tɣiwant-agi n’At Rẓin, Mas.Daḥmani Yusef srid: » Taɣiwant nneɣ ixuṣ-itt wakal iwakken an bnu timezduɣin i yimezdaɣ nneɣ. Ɣur-neɣ ahil n wazal n 150 tmezduɣin i d yefɣen seg lwilaya n Bgayet. Maca asenfar-agi, yelhan aṭaṣ i w’At Rẓin, ur yezmir ara ad iffeɣ ar tilawt, acku ulac akal anda aten seḍru! ». Ugur-agi, ihi, yeǧǧa taɣiwant n’At Rẓin ɣef ṭarf n- usnefli, imi myal asenfar ad iffeɣ-en seg lwilaya n Bgayet ur yettaf ara akal iwakken ad yeḍru. Yuɣ lḥal akal dagi, deg tama-agi n lɛarc n’At Ɛebbas, ɛziz aṭaṣ, imi imezdaɣ ur ḥemlen ara ad zenzen akal nsen. Yal tardast tesɛa azal muqren ɣer wigi. Deg tama nniden, akal n ddula ixuṣ mliḥ dagi. Imḍebren n tɣiwant tt-hud-un timezduɣin tiqburin n dulla (Biens vacants) iwakken ad bnu-n kra n yisenfaren. D-acu, ini-d kan yella wahil-agi n tmezduɣin n rrif, neɣ n t’murt, iwumi qqaren « Fonal », yerra-d cwiṭ tarwiḥt i yimezdaɣ n’At Rẓin. Ɣef akken iɣ-d yenna Mas.Daḥmani, ahil-agi yewwi abrid yelhan aṭaṣ, imi azal n 200 n yixxamen n wahil-agi fɣen-d tagara-agi i tɣiwant ines. Aṭaṣ n yimezdaɣ ixedemen ikaramen iwakken ad awin lemɛiwna-agi, yesɛa-n azal muqren ɣurṣen. Dacu kan, aṣeḍru (la réalisation) n wahil-agi yettɛeṭṭil, ihi d ṣber akn i d yegran i twaculin. Deg tama nniḍen, skud ma rennu-n-d imezdaɣ deg tɣiwant-agi, skud yettili weɣbel-agi n tmezduɣt. Lɣaci zaden tagara n yiseggasen-agi, dayen yerra-n agnu n tmezduɣt irennu s-waṭaṣ!
Syphax.Y