Iseggasen-agi ineggura, aman n yigeffuren xuṣen aṭaṣ. Igenni yuɣal yettak-d kan timiqwa n waman, imi yuɣal as t ini-ḍ d-amecḥaḥ. Ayagi, yewwi-d yides aṭaṣ n yiɣublan: Lebyur ruḥen am akken quren. Anect-a ur d yewwi ara lfayda i tfellaḥt deg tɣiwant n Buǧlil, ibaɛden azal n 87 ikilumitren ɣef Bgayet. Lixṣaṣ n waman iḍur, yagi, tizemrin ifuden-t aman. Ifer nsen-t yeqqur, issarɣ-it yiṭij n unebdu. Tazɣent-agi n waman, ur d gli ara s wayen yelhan, imi llan kra n yifellaḥen ur nesɛi laḥya, ur nessin azal n tezdeg lakked d tazmart n yimsuddar (Les consommateurs) imi sawen tibḥirin nsen s waman ifuḥen (surfet-aɣ!). Akken i d iban ussan-agi kan, tella yiwwet n lfirma deg taddart n Aftis, i d yezga-n deg tɣiwant-agi n Buǧlil, anda ifellaḥen ixedmen din sawen lɣella akk d lfakiya s waman n yimulas n wassif n Saḥel, yettɛedin ɣef rrif n lfirma-agi. Ɣef akken iɣ d nnan deg taddart-agi kra n yimdanen, ifellaḥen-agi rran yiwen uqadus ɣer wassif-agi, ǧebden d aman n yimulas s yiwwet n « lpumpa ». Aman-agi ttruḥen srid ɣer lfirma neɣ ɣer tibḥirin-agi i d yezga-n s kra n lmitrat ɣef abrid n lwilaya wis 42. Akka ihi, aman-agi id ittefɣen seg yixxamen n medden, lakked seg yixxamen n iyuzad (Les poulaillers) ttruḥu-n akka srid ɣer yifelfel, ṭumaṭic, dellaɛ, lmarḥum lakked d yisekla n yigumma (Arbres fruitiers) akken aten swen ! Imdanen-agi, ɛla ḥsab ayen xedmen, ur sɛin ara kra n tegzi (raison) neɣ laḥya ! Ur ẓrin ara belli zemren ad nɣen medden ? Akka, iban belli d ttadrimt kan iten iceɣben, ayen nniḍen yerna-d sufella ! Wagi d yiwen n umedya kan, ɣef « ifellaḥen-agi » yessawen tibḥirin nsen s waman imulas. Yuɣ lḥal, nezmer ad n ini belli ayagi iḍerru deg yal tama anda ulac taɛessast (Le contrôle). D-acu kan, tawaɣit anda tella: d srabes-agi n « tezdeg » n tɣiwanin ur neggar ara tamawt ɣer lfirmat yella-n deg tɣiwant ama n Buǧlil neɣ anda nniḍen. Ṭixer ihi i yimsuddar (Consommateurs) ad wten dellaɛ n lizigu (L’eau des égouts). Dayen kan isen d yegran.
Syphax.Y