Ass-nni n ttlata iεeddan, teḍra-d yiwet n tikli sγur imferğen n terbaεt n JSK di temdint n Tizi Uzzu. S tikli-a, bγan ad d-beggnen i tikelt-niḍen lγiḍ-nsen γef lexṭeyyat i ttuxeṭṭan yimḍebbren n ddabex n tmurt d wid n tefriqt tarbaεt n JSK. Di tazwara, mlalen yimferğen sdat n unnar n umenzu n unbir. Syin msefhamen ad kecmen γer unnar ad walin imyurar n tarbaεt n yilmeẓyen n leqbayen imi sleγmayen i wakken ad sfesxen, ‘’d azamul’’, tugin n unekcum γer unnar i yimferğen n JSK. Mi d-fγen seg unnar-agi, gan yiwet n tikli armi d asalay n temdint n Tizi Uzzu anda i d-tella ddqiqa n tsusmi i yimyurar Ebossé Gasmi d Hemmani. Ma γef yiswiyen n tigawt-a, nesteqsa Mass Amirouche Mahmoudi, yiwen gar yimḍebbren, yenna-aγ-d :’’ tigawt-a, tesεa tlata yiswiyen : tukksa n lexṭeyyat n JSK, tamaziγt ad tuγal d tutlayt tunṣibt akked usenfali n tdamsa di lwilaya-nne&gamma,; aṭas n tebzert i tettxellis Tizi Uzzu. Am wakken, di&gamma,; i d-nebder tamsalt-agi n laman. Nebγa ad nidir am nekni am lwilayat-nniḍen di talwit. ’’ Timilit tekfa γef ṭṭnac d uzgen. Amur ameqqran n tḥuna γelqent ass-nni, ladγa tin-nni i d-yezgan di tlemmast n temdint.
Hocine. M