Yal seggas, deg wass n 03 deg aggur n bujambar tettuγal tejmilt i yimaεder di 04 n tγemmar n umaḍal, imi yettewεeggen ad-yilli d ass agreγlan-nsen. Γef aya tiddukla n yimeεddar d temzizelt n tinis n tabla ilfayda n yimaεddar n uγarbaz CMP n Wizgan. yemddukal-nsen n temnaḍt n Wizgan, tella di ttiεad imi id tessudes yiwet n tmeγra γef dema deg uγarbaz n yimaεder id-yezggan deg taddert n At Sidi Σmer, d tajmilt meqren i yuγalen i yimaεdar. Tamesbanit-agi ḥedren deg-s deqs n yinebgawen, am yimawlan n yimaεder id-yussan di tγiwanin yemgaraden, am Wizgan, At-Zikki, Imsuḥal, Ifiγa, Iεekkuren d tid niḍen, rnu kra n yemḍebren n tγiwanin. Maca, imawlan n yimaεdar, fursen tagnit, mlalen akked imejjayen n tnefsit d yemḍebren n uγarbaz-agi, anda imeslayen γef ugguren d iεewwiqen id-ttmagaren yal ass, am ayen icuden γer ttawilat n uṣiweḍ, laεḍil id-yettilin di laxlaṣ n yimaεdar. Si tama niḍen ula d imaεdder begnen-d lγiḍ-nsen imi sḥasfen aṭas γef deqs n wugguren, anda isuturen zyada n tedrimt isen-d-ttakken yal aggur, asuter n yimukkan n lxedma d waṭas niḍen. Iwesmekti, tajmilt-agi tella-d s lemεawna n tfidiralit n waddal n yimaεder n lwilaya n Tizi-Wezzu, anda id-sudsen tamesbanit n waddal, am tazla akked Γer tagar, imaεdder d yimawlan-nsen sutren izzarfan d uwennaε n tegnatin n tudert-nsen n yal ass, mačči n yiwen n wass.
Islam Bessaci