Γas akken taγiwant n At-Zikki tesfaydi-d s wudem unṣib s lxedma usenfar n lgaz n temdint i ittewεegnen niqal ad yebdu s wudem unsib deg aggur n yennayer 2014 useggas yezrin, maca yella-d laεḍil meqqren di lxedma sebba iεewiqen n kra n imezdaγ n tudrin yetabaεen taγiwant n Wizgan ideg-ittewεeggen ad-εeddin iqudas n usiweḍ n lgaz deg akkal-nsen, i yuggin rray-agi. Γef aya, di tagara useggas yezrin 2014 ass n 31 dujambar, imezdaγ n 08 n tudrin tesεa tγiwant n At-Zikki, begnen-d lγiḍ-nsen s waγlaq n yexxamen n Dayra n Wizgan d tkebbanit n « Sonelgaz », anda id-lḥan azal n 15 n yikilumitren γef uḍar sebba n yibardan i yergal wedfel. D aγbel iwmi sḥasfen aṭas imezdaγ n temnaḍt n At-Zikki, i yettidiren yiwen wuggur meqren imi asemmiḍ d win iten-yettaṭafen s waṭas yal tallit n cetwa, imi taγiwant n At-Zikki tezga-d deg yidurar εlayen n tmurt n leqbayel γef laεli n 1400 lmitrat. Γer tagara imezdaγ n tγiwant-agi sutren deg yemḍebren εlayen taεna temsalt akken ad-ggren iman-nsen γef zik lḥal i tifrat n wugguren-agi, akken ad-sfaydin s usenfar n lgaz n temdint ara yesneqen taεkkemt meqren fell-aen.
Islam Bessaci