Tlul Nna Cabḥa deg useggas n 1915. Asseggas-a, i tessaweḍ lqern di leεmer-is. Akka, dγa, i as-tga twacult-is amulli ameqqran anda i d-necden aṭas n temγarin. Nna Cabḥa, mazal-itt tettγenni am wakken d tilemẓit, mazal tessen ayen din n tezlatin : tid-nni n zik d tid n tura. tessen ula d tuγac n Matub. Tessen tizlatin acku si zik tcennu γef wakken i d-nnant tmeddukal-is. 100 n yiseggasen deg tudert-is ur tesεi ula d yiwen waṭṭan : tsel tettwali am nettat am medden irkelli.Tecfa γef wayen tesεedda. Yezga yennecraḥ wudem-is, tḥemmel ad tetihi γef tmeddukal-is. Meεna, efk-as ccna teğğa-ak kulci. Tettmektay-d asmi teddekkir kra yekka yiḍ di Buεaṣem, γer ‘’Sadat’’. Mi as-nnan cnu-aγ-d tizlit-nni n Allaoua ‘’Lḥubb-iw amezwaru’’, yecna-d aẓawan-nni meεna tbeddel awalen, teqqar-as ‘’Lḥiğ amezwaru’’ am wakken i d-tenna asefru : ’’(…)ma teẓriḍ-iyi dir-iyi anwa i ak-yennan ad iyi-taγeḍ ?(…) Serreḥ-iyi ad εewdeγ wayeḍ. D tatgnit anda i d-mlal dderya n dderya γer yemma-tsen εzizu. Ihi, s teγzi n leεmer n Nna Cabḥa.
Hocine.M