“Iḍelli-nni, tama n lagaṛ n Tizi-Wezzu ṭṭerḍqen sin ifaguten-nni ineggura n tmacint, d ifaguten n selɛa yedda-d yid-sen lɛeskar. Lagaṛ di lweqt-nni, d nettat i igan tamast : laman agemmaḍ-a di tama n temdint, tawaɣit agemmaḍ-in di tama nniḍen, ɣer wid izedɣen d lenda akkin, ger iḥedren d isennanen n ukeṛmus, tayerza n lḥif d llun-nni aberzegzaw n tferkiwin uzemmur. Di tmacint, imsukal akken ma llan tezdeɣ-iten tugdi. Tugdi-nni, Yeḥya yessen-itt ula d netta, ulamma mazal ur tt-yessin ara akken ilaq iwakken ad t-teḥerrem seg wayen ttwalint wallen-is”
Tukkist seg usebtar aneggaru
*Ungal n Nabil Farès (“Yahia Pas de Chance, un jeune homme de Kabylie”)
Yerra-t-id Ramdane Achab ar teqbaylit