Taddart n At Mizar, qqaren-as daɣen, At Sidi ḥend Waɛli, d taddart tamecṭuḥt, tezga-d ɣer yidis n taddart n Yiḥiṭusen di tɣiwant n Buzgan. tsɛa azal n 500 n yimezdaɣ. Taddart-agi mechuret s yiwen n lwali i yesɛan leqder d ameqran. Yessen ddin azedgan, yesɛa ṣṣwab akked tmusni. Ilmend n waya ttzuṛunt yimdanen. Xas ma ass-a yemmut, mazal yeqqim-d yisem-is deg umezruy n temnaḍt-agi. Ma yella win yeqqes uzrem, ad iruḥ srid ɣer taddart n At Mizar, as- d-yesslef walbaɛḍ deg yimezdaɣ-is, s wakal n Sidi Musa, deg umḍq-nni deg-i yettwaqqes, dayen as- yekkes uqreḥ. Ad yini kan deg wul-is:<< A Rebbi deg leɛnaya-k, ssufeɣ aqraḥ deg umdan-agi>>. Din din ad yekkes uqraḥ.
Mmeslayeɣ d Mass. Ḥanafi ALILI, yiwen deg yimezdaɣ n taddart-a yenna-d: <<yiwwas, Sidi Musa iruḥ ɣer teẓgi iwakken ad d-yezdem isɣaren. Imi ifuk asqucceḍ, yemmekta-d belli ur yewwi ara amrar s wayes ara d-icudd tazdemt-is. Iwala azrem yettecrurud-d, imi d-yewweḍ ɣer ɣur-s yeṭṭef-it-id yenna-as : <<yefka-k-id Rebbi s waswa, ak-xedmeɣ d amrar, ad cuddeɣ s yess- tazdemt-iw>>. Dɣa icudd tazdemt-is, ibubb-itt s axxam. Deg was-nni uɣalen izerman ur tteqsen ara deg wakal-nni n Sidi Musa, di taddart n At Mizar.
Bussaɛd Ḥemmar