Ddurt yezrin yella-d Tari Azizi, yiwen seg izumal-nni i ibeggsen i wesnulfu n Tefsut i Yimaziɣen, d inebgi n n yinelmaden n tesdawit Akli Mohand Oulhadj n Tubiret . Uqbel, ad d-yesmekti taluf i d-nejren abrid i 20Yebrir, yerra uneɣmas tajmilt i yimeddukal-is yeddren tallit-nni . yenna-d daɣen deg wawal-is : « ur s-qqaret ara ḥala 24 d ameḥbus i yellan : aṭas n yinelmaden d ixeddamen i i kecmen lḥebs » . Lmaɛna n wawal : tafsut n yimaziɣen tga-yas irebbi tmurt n leqbayel s lekmal-is, ɣas ulamma deg tesdawit i d-nefufed . Ayen akk d-yenna d wayen d-yesmekta Aziz Tari tḍebeɛ-it rruḥ n tellil d tugdut (esprit de liberté et de démocratie). Dɣa d rruḥ-nni i wumi yefka azal u yebɣa ad t-egzun inelmaden n tesdawit i d as-d-ittḥessien . Akken yekfa ameslay—s, tezzi-d nnuba i wesqerdec. Ɣef aṭas n tlufa i ɣef steqsan yelmeẓyen d telmeẓyin n tesdawit . Tikti d usteqsi d-yufraren yeɛna azekka asertan n tmurt n leqbayel
A.I
« Ass n 11 deg yibrir d ass amaḍal n tqenduṛt n leqbayel ? »
Awah! Wid yesfili-n akken idles aqbayli ad « yengeṛ » seg sya ɣeṛ kṛa 50 n yiseggasen, ɛni xedmen abaṛgu (cauchemar) neɣ ḥiwlen aṭaṣ n yifelfel aqeṛḥan ? Aḥlil ! Acu-t? Aḥeq n yillu, ad yengeṛ ngeṛ, aqbayli ad yeqqim deffiṛ-s ! Iseggasen-agi inegguṛa ngaṛ tamawt ɣeṛ t’metti n leqbayel, nufa belli yella akken yiwen n lebɣi akken ad d-t-uɣalen-t laɛwayed n zik iṛuḥen, iɣaben ɣef « yiẓṛi »! Ama d-amenzu n Yennayeṛ, neɣ d-amenzu n Tafsut, neɣ d laɛwayed n t’maɣṛiwin n zik, d timecṛaḍ, tiwizi, atg…leqbayel bɣan am akken ad yuɣal zik nni. Aṭaṣ n yimdanen is yeqqaṛen :' » Ih,zik nni! »…Yewwiten ubaḥṛi n yizṛi (la nostalgie). Ay at laɛṛaḍ, seg wass-nni id yennulfa Facebook-agi am akken d ttawla tewwi leqbayel meṛṛa. Ulac win uṛ nexdim aṛa teswiṛa n yixxamen n zik nni, neɣ n leqbayel n zik akk d tuččiyin neɣ iselsa iqbuṛen. Nefhem belli tella yiwwet n t’muɣli ɣeṛ usaḥbibeṛ n yidles aqbayli. Ihi, ussan-a, aṭaṣ id yegṛen tiɣṛi deg Facebook, yagi tilawin tiqbayliyin, akken ass n 11 Ibṛiṛ ad yuɣal d-ass amaḍal n t’qenduṛt n leqbayel.(Journée mondiale de la robe Kabyle). Aṭaṣ n tmaɣnasin lakked d yimaɣnasen n yidles aqbayli, neɣ Amaziɣ, gṛen-d tiɣṛi nsen deg Facebook akken ass-agi n 11 deg wagguṛ n yibṛiṛ 2015 ad d-tefɣen-t timaziɣin, anda ma llan-t deg maḍal, s t’qenduṛt n leqbayel yesɛan izaṛigen n myal initen. Ayagi akken ad wekden-t belli aẓaṛ nsen-t d-amaziɣ, yeṛna akken att-uɣal taqenduṛt-agi yesɛan azal muqṛen, d ttaqenduṛt tamaḍalt, akken llan « les Jeans » akk d yiselsa nniḍen yettlusu umaḍal s-umata. Ma yella dagi deg t’muṛt n leqbayel, tilawin tt-heggin-t ayagi akken ad lsen-t akkit taqenduṛt-agi ɛzizen fella-sen-t fella-neɣ. Wissen kan ma yella attenǧaḥ tiɣṛi-agi ? Nessaṛam…D-acu kan, tilawin-agi timaziɣin waqil gṛen-t aɣ d cwiṭ n tismin, nukni s yiṛgazen. Iwacu, uṛ ttemsefhamen aṛa iṛgazen imaziɣen ad lsen kṛa n wass, abeṛnus amellal ɣas ma yella akken yebda iḥemmu lḥal ! Ddin uqabac, i tuṛa nukni s yiṛgazen uṛ nezmiṛ aṛa an axdem aya?
Syphax Y