Ddurt-agi yezrin, uqbel aggur n Remḍan, aγerbaz n uselmed n ddin n Sidi-Σebd Areḥman El-Yilluli, n tγiwant n Yillulen Umalu yesudes-d yiwet n tmeγra meqren γef dema ussufeγ n 129 ger iselmaden d lecyax n lumur n ddin useggas n wulmud 2014 /2015 i yellan d tarbeεt tis 29 (29eme promotion) i yewwin isem n ccix Σli At-Lwenas Idrayes n At-Buyaḥya tamnaḍt At-Dwala i ilemden di temεemmart-agi n Sidi Σebd Areḥman, illul deg useggas 1902, yemmut deg seggas n 1990.
Tameγra-agi tella-d s ddaw laεnaya n tnaγlaft n lumur n ddin d tmahla n lumur n ddin n lwilaya n Tizi-Wezzu, s laḥdur iεeggalen n tnaγlaft n lumur n ddin n tmurt-nna&gamma,; inemhalen n tmahliwin n lumur n ddin n lwilayat n tmurt ger-asent, Tizi-Wezzu, Tubiret, Lzzayer tamanaγt, Bgayet akked yiselmaden n tsedawit n Qesenṭina.
Akken ḥedren yemḍebren n tγiwanin yemgaraden n wammas n Wizgan d yemdanen niḍen id-yussan sya u sya.
Γer tagara, tella-d tikci n yigardasen n tagara n wulmud d warazen n usebγes i wid id-yefγen di tarbaεt-agi tis 29.
Islam Bessaci