Ussan-agi ineggura, azɣal yenerna. Tifasniwin (degrés) ɛeddan-t i 40. Ḥamu yessefcel akk imdanen, ladɣa yedukkel lakked Ṛemḍan. Iṭij yekkat srid ɣer uqarru, rwel kan ɣer tili, neɣ mulac atteweḍ ! Medden deg yiberdan teddu-n tili tili, acku iṭij yeqwa dayen kan ! Tiyita-ines, yagi ɣer uqerru, tuɛar, tezmar attexdem axeṣṣar deg wemdan. Maca, n wala yiwet akken n t’ɣawsa teswahmaɣ aṭaṣ: Deg lfirmat n tama n Ṛaffur lakked Buaklan, i d-yezgan deg t’ɣiwant n yimceddalen, neẓra ifellaḥen (adrar n sber !) xedmen akal seddaw yiwen yiṭij isseraɛ iɣyal. Ɣas akken d-azal, d-aẓɣal, ifellaḥen-agi xedmen akal, ɣelten lɣella yerna « uẓamen »! Ayagi yeswahmaɣ aṭaṣ. Deg yimir-nni, llan imdanen xedmen i tili, deg taṣmuḍi (la climatisation) yerna smaɛgizen, gganen ! Ttafen-d sseba d Ṛemḍan, akken ad « sfinyinen ».
Ifellaḥen-agi, irgazen n ṣber kkaten taceṭabit, tidi tettcercur. Deg lfirma i d-yezgan deg taddart n Ṛaffur, anda ẓẓan dellaɛ, ifellaḥen swayen lɣella-agi s waman. Xedmen tiregwa akken ad ɛeddin waman ɣer yimɣan n dellaɛ. Wagi yebda i tefɣed, d-azegzaw i dewwer. Ahat kra n wussan kan akka ad yew ! Jmaɛ liman yar sɛan yiwen n lkuraǧ…Maca, d wagi i d-aɣrum. Ur ed yettas ara kan akka. Ilaq cwiṭ n laɛtab, ma drus ! Deg lfirma nniḍen, yella-n deg Buaklan , llan daɣen aṭaṣ n yifellaḥen iɣelten, tikkelt-a, lbaṭaṭa. Ass-nni imi d nɛedda zdat lfirma-agi, neẓra ifellaḥen-agi ɣelten lbaṭaṭa seddaw yiwen yiṭij yessefsay uzzal. Ɣas akken, ilemẓiyen-agi xedmen akkal, ula-send yecliɛ ara ma d-aẓɣal. Ddin uqabac ! wigi uklalen arraz, neɣ xarṣum tajmilt. Ihi Tajmilt sɣur-neɣ nerra-y-asen-tt. Yegrad warraz…D-acu kan, ɣas akken yuɛar uxeddim n yifellaḥen-agi, maca lexlaṣ nsen ur yeṣṣiweḍ ara azal n tidi nsen yettcercuren am t’ḥemmalin. Xedmen s-ujurni ( s wass) mebla lasurans. Tella daɣen yiwet n t’ɣawsa nniḍen: Axeddim n wakal i wexxar aṭaṣ iseggasen-agi ineggura. Ifellaḥen xuṣṣen mliḥ. Yuɣ lḥal, ilmeẓyen regwlen ɣef wakal, akken ad xedmen kan ayen fessusen. Jmaɛ liman axeddim n wakal yesɛa azal-is ! Mebla afellaḥ (yettuḥeqren) amejjay, aǧinyur, aselmad, aselway, aneɣlaf,..atg ur tetten ara. Ad ččen iblaḍen. Ahawt, ilaq arrazen i yifellaḥen…!
Syphax Y.