Akka ihi, Remḍan-nni « yeǧǧa-y-aɣ » ! D-acu kan, llan-t aṭaṣ n t’ɣawsiwin iwumi ad necfu, yagi Remḍan n-useggas-a. Deg tama n Ṣummam, nezṛa, ṭul n waguṛ-agi n Remḍan, d-akkeni laɣla n yisenfaṛen n wuččiuṛ d-teḍṛi aṛa am iseggasen-nni yezṛin! Nwala, seg wass-nni amezwaṛu n Remḍan ssumat n yisenfaṛen n wučči, yagi izegza lakked igumma (Les légumes et les fruits), uṛ ulin-t aṛa am iseggasen iɛeddan. Ayagi, yeǧǧa tiwaculin n tama n Ṣummam sɛeddan-t aguṛ-agi deg lahna lakked d talwit. Ɣas akken, ussan-nni imezwuṛa imdanen, neɣ ibabaten n twaculin, ugaden laɣla, ttṛaju-n kan melmi ad « yeṭṭeṛḍaq » fellasen waɛbaṛ n summat n yisenfaṛen n tuččit. D-acu, ayagi uṛ d yeḍṛi aṛa. Uf ! Adellaɛ uṛ « yesselqef » aṛa tikelt-agi, d-awezɣi, imi it neẓṛa yeččuṛ alaṛmi yettwezziɛ. Ɣas akken ussan inegguṛa n Remḍan tella-d akkeni ciṭuḥ n laɣla ɣeṛ yizegza lakked d yigumma, maca, mači dayen yesxelɛen medden. Yella daɣen wudem nniḍen si yettwassen Remḍan; dayen yaɛnan tagmatt geṛ yemdanen. Aḍellaɛ n Remḍan yella deg yal taɣiwant n tama n Ṣummam. Aḍellaɛ-agi icud akk ulawen, yeẓḍa tagmatt geṛ yemdanen. Ulac igellil uṛ nečči aṛa deg waguṛ-agi. Acku, si yal tama, llan widak d ttidak yefkan ccan i t’wizi s yiḍellaɛen n Remḍan lakked d-usečču n Rṛeḥma. D-acu kan, aṭaṣ n tuddaṛ deg tama n Ṣummam ixuṣṣ-iten-t cwiya n zhu deg yiḍ. Ṣahṛat n Remḍan txuṣ-iten-t lbenna, acku medden ulac anda ad sɛeddin akud nsen. Ma yella anessiwezil awal, adenini kan, Remḍan n-useggas-a iɛedda akken ilaq lḥal s-umata. Ɣas akken yella-d lixṣaṣ ɣef ayen icudden ɣeṛ waman. Wigi xuṣen deg waṭaṣ n tamiwin, amakka yal anebdu yettili weɣbel-agi muqṛen, yagi deg 5 t’ɣiwanin i d-yezgan ɣef wenẓul n Bgayet (Buǧlil, Tazmalt, iɣil Ɛli, At Rẓin d At Mellikec) anda uṛ ɛad uṛ wiḍen waman n ubaṛaǧ n Tici Ḥaf.
Syphax Y.