Rraḥba n tmurt teččur d imaɣban ur nesɛi adeg di tmurt-nsen neɣ dren arif arif d imnufaq deg ayla-nsen, remḍan ifuk maca ulawen qqimen akken win mellulen mellul ma d ubrik d awezɣi ad ibedel imi ur telli tamart neɣ d aqendur mellulen i seqraben amdan d yillu-ines maca d lefɛayel tigawt mačči d awal neɣ d asbarbar deg ilem yenna rebbi yenna nnbi-s melmi teḍliḍ ar tid-is ak d-iban cciṭan d meskin , anesbaɣur d igellil dren di yiwet n tmurt n lɛizza d lkarama n si Lɛaziz maca addad-nsen yemgarad am igenni d lqaƐa, anesbaɣur n Lezzayer tajḍiṭ d win yesbabbayen taẓayt ẓẓayen imi tiẓeṭ-ines mara iwali igellil icarwitt marriɣet. am akken lbenna n tudert-is ma yarked wid tettu tmeddurt , imi tugna deg-i llan yella yakk wayen yettmenni wul xxusen ala waklan dɣa ɣlin-d fell-aɣ s dɣala-nsen , tura zemren ad amnen tidet d igelliden i llan am wid-ak-nni n tmucuha d ṣlaṭen d wawal. Ma d amaɣbun mazal yettqabal tameddurt s lḥif d wurrif, arraw-is llaqen-asen iselsa , taccuyt tuḥwaǧ ciṭuh n weksum xas yiwen wass deg useggas ,tiwelliyin ilaq fell-as a ten-iɣafar yal yiwet s uḍellaɛ-is maca tajarnaṭ-nni yif ulac id d-iṭalayen yal tagara n waggur ur tt-id-yettaf yimalas amezwaru imi yegguni-tt bu tidelt d waman d trisiti arnu-as lgaz d ṭlaba n tḥanut taddart yeggulen ur iɛawed ad d-yezenz war tadrimt yaḥka-taqṣiṭ-iw akk i medden d akken deg udem-iw tfuk laḥya kraḍ wagguren aɣrum d uyefki ur xelleṣeɣ ara ttafaɣ-d ssebba d akken ur kcimen ara yedrimen neɣ ixeddamen lbanka mazal-iten en greve. Win yesɛan lwacul meqren d waṭas imectaḥ amek ara s-tiniḍ lɛid tamarbuḥt wa k-id-yar s uzmumeg n tmara tabarbuḥt lɛid-ik ula i keč agma, maca ul-is yezza yarɣa s wurfan imi tajarnaṭ n uxeddam aḥarfi tajarnaṭ yettaṭafen kan tudert deg ixef i wakken a texnunseḍ wa d yarwu fell-ak zman taḍṣa, ur tzahhuḍ ur tettidireḍ tameddurt n wemdan ahat telha kan ɣef allen n medden a seqqaren d axeddam a tiɛin rebbi ma tilawt susem kan. tuget n wegdud yeddar s nnif xas ur yesɛi ur yessin acekti, dɣa adabu amesbaṭli yufa iman-is yečča anezruf s yejdi-s yarna ayen yellan ilaḥḥun fell-as , yečča-aɣ s ibeddi yeswa idamen-nneɣ , ččan iḍelli arnan ass-a wa ad arnun azekka imi amaɣbun yedda kan deg ubrid-is ur d-yewwi ara s lexbar d akken llan wiyiḍ am netta neɣ ugar-is, wid yeččan ayla-nsen dduklen ma d wid ččan gullen ur d-mlalen imi d beṭṭu-nsen i yeǧǧan lḥif ifaɣ-aɣ-d ɛaryan di tmurt n lbitrul d lgaz n twaɣit.
Dahmani Bilal