Akka ihi, imi i ɛedda waggur n Ṛemḍan, timeɣriwin uɣalen-t-d s ṭaqa. Yal ass ttamaɣra, dagi deg tama n Ṣummam. Yagi ussan n lǧemɛa lakked d sebt, anda cna, zhir akk d cḍiḥ « ttfeggiḍen » deg tuddar d temdinin n Ṣummam. D-acu kan, deg zhu-agi n t’maɣriwin, yella yiwen « umgaru » neɣ ma tebɣam « iniɣ » ger…iḍebbalen lakked, iwumi qqaren, « Idiǧiyen » (les DJs) ». Ɣas akkeni, iseggasen-agi ineggura, les DJs yewwin aḥric muqren, imi ssawalen-asen-d sya u sya akken ad xedmen timaɣriwin. Akka i d lɛada tamaynut i d-yennulfan deg t’metti nneɣ yewwin abrid ɣer tatrara, ɣas akken abrid mazal-it iḍul ! Maca, cna aqbur yeṭṭafar ɣer deffir idiǧiyen-agi » (les DJs). Akka, mazal iḍebbalen lakked ẓurna, « kečmen » ɣer wannar neɣ ɣer t’qaɛett n t’maɣriwin, ɣas ma yella idiǧiyen ewwin aḥric muqren. Ɣas akken, llan-t aṭaṣ n t’waculin yessawalen i yiḍebbalen akken ad xedmen timaɣriwin am zik-nni, s laqder, s lḥerma lakked lɛezza. Lukan adenini tidett, cna n-iḍebbalen yesɛa sser, s lɣiḍa d ṭbel. Ulac kra n-imeslayen i ǧerḥen, neɣ ur n laq ara aten slen tiwaculin am kra n tezlatin i srusun idiǧiyen, akka am tid n Ṛay ur nesɛi azal. Aẓawan n-iḍebbalen yeṣfa am aman, ulac degs imeslayen, ḥaca aẓawan yesɛan sser d lhiba. Yerna dayla nneɣ, d-idles nneɣ. « Ɣuri, nekkini, d-iḍebbalen axiṛ n idiǧiyen. Iḍebbalen sɛan sseṛ, aẓawan nsen yefɣed seg yidles nneɣ. Ulac imeslayen uṛ nlaq aṛa, d lmuziga kan. Nek ḥemleɣ-ten, imi ssaḥmayen taqaɛett, ṛennu-n acuddu i tegmatt. Awah a ṛebbi kan ad qqimen akka i lebda uṛ ttṛuḥu-n aṛa! » iɣ-d yenna yiwen n mas. D-acu kan, medden xedmen aṭaṣ n laḥsab geṛ iḍebbalen lakked d-idiǧiyen. Tadṛimt tezga-d gaṛasen, imi idiǧiyen rexsen ɣef iḍebbalen. Ɣef ayagi ahat medden uṛ asen-d ssawalen aṛa s waṭaṣ. Maca, ɣas akkeni, iḍebbalen mazal sɛan azal muqṛen, yagi deg tuddaṛ i d-yezgan nnig iduṛaṛ, anda wwin amkan muqṛen geṛ imezdaɣ!
Syphax Y.