S uheggi n Tdukkla n Lxir Imɣan Tizemmurin Akfadu (ABITA), d ayen i d-yellan s umata d tiktiwin timaynutin i uqeddic n tlawin, – tadukkli n termisin tinmettit – taɣermanit tarufant-tagrakalt, – tidukkla Fransa-Lezzayer.
D tiwizi i d-yellan dɣa gar tdukkliwin ABITA n yisenfaren i uqeddic akken ad d-snulfunt agraw afransis-azzayri n tlawin timɛelmin i iɛewwlen ad ssegmunt isenfaren inmettiyen,, idelsanen, isegmayen, neɣ i ubaɣur n twennaḍt. Neɣ akken nniḍen, i kra n tid yesɛan isenfaren n termist inmetti, ideg ur yelli iswi d array i tsutert n ulzuz kan, wanag daɣen d awennaɛ n lḥala n tudert ed rraḥa n yiɣermanen (citoyens). Deg wayen nezmer ad nɣer daɣen deg ulɣu n tdukkla-ya, dakken ama d tamahelt (ambassade) n Fransa, tamnaḍt n tegzigrt n Fransa, akked uɣerbaz-nni yettwassnen management HEC, akk ad ddun i yidis n usenfar-a alama yettwawweḍ yiswi. Rnu ula d Agraw Aɣerfan n Twilayt (APW), Tamehla n Tigawt Tinmettit (la DAS), Tamehla n Yilemẓiyen ed Waddal n Bgayet, Taɣiwant n Ukfadou, gar waṭas n waṭas n termisin nniḍen, ttwanecdent sɣur Tdukkla-ya i tikci n tallelt s wayen mu zemrent. Ma yella nemmeslay-d ɣef yiswan igejdanen n tdukkla-ya ABITA, tesḥessis ladɣa tilawin n waɣir ɣef wazal n leqdic n termisin inmetti imi tameṭṭut tamɛellemt ilaq-as tazwara ad tger iman-is deg umennuɣ iwakken ad d-tawi tifrat d timaynutin s uxdam n uqeddic neɣ n usafar ara yemmenden akk inesdabuyen izayzanen. Dɣa dima deg ubrid-a n tdukkla, zemrent ad ttwaɛeyynent ɣer sdat sḍis n tlawin ilmend n tiɣri-ya i usenfar, ad ttwafernent tiyaḍ umi ara yemmag usileɣ deg Pari. Aya gar umenzu alama d 5 deg duǧember n useggas-a 2015.
Mhenni Xalifi